Соңгы ун елда Татарстанда бәрәңгенең яңа алты сорты булдырылды
Татарстан Республикасы Авыл хуҗалыгы һәм азык-төлек министрлыгыСоңгы ун елда Татарстанда бәрәңгенең яңа алты сорты булдырылды
Бу хакта Татарстан Республикасы Хөкүмәте Йортында узган киңәшмәдә «Россия Фәннәр академиясенең Казан фәнни үзәге» Федераль тикшеренү үзәгенең структур бүлекчәсе директоры авыл хуҗалыгы фәннәре докторы Марсель Таһиров хәбәр итте.
Институт 2017-2025 елларга авыл хуҗалыгын үстерүнең Федераль фәнни-техник программасын гамәлгә ашыруда катнаша, максаты — авыл хуҗалыгы предприятиеләрен, бәрәңгенең сыйфатлы орлык материалы белән тәэмин итү һәм бәрәңгенең импортка бәйлелеген киметү.
Соңгы 10 елда институтта бәрәңгенең вируска чыдам 6 сорты булдырылган. Ел саен Россия селекциясенең 70 сорты экологик-географик сынау үткәрелә. Анализ күрсәткәнчә, институт селекциясендәге бәрәңгенең заманча сортлары Россия аналогларыннан бик югары уңышлылык, крахмал микъдары югары булу белән аерылып тора.
Әлеге тема Татарстан Республикасы Президенты Рөстәм Миңнехановның аеруча кызыксыну уятты, ул үзенең сыйфатлары буенча легендар бәрәңге сорт —Лорх сортлары белән чагыштырырлык сортлар бармы дип аңлатты.
Марсель Таһиров Татарстанда чыгарылган бәрәңге — Тангоның яңа сортын кайбер күрсәткечләр буенча легендар сорттан алда баруын билгеләп үтте: югары уңышлылык белән — 335ц/га, крахмал 15дән 23% ка кадәр һәм үсемлек аксымы 3% ка кадәр аерылып тора.
Татарстан Республикасы Авыл хуҗалыгы һәм азык-төлек министрлыгы