ТАТАРСТАН РЕСПУБЛИКАСЫ

ТУКАЙ МУНИЦИПАЛЬ РАЙОНЫ БАШКАРМА КОМИТЕТЫ

КАРАР

30.04.2021 ел                                                                                           №1301

Татарстан Республикасы Тукай муниципаль районы Башкарма комитетының торак комиссиясе турында нигезләмәне раслау хакында

«Россия Федерациясендә җирле үзидарә оештыруның гомуми принциплары турында» 2003 елның 6 октябрендәге 131-ФЗ номерлы Федераль закон нигезендә

КАРАР БИРӘ:

1. Татарстан Республикасы Тукай муниципаль районы Башкарма комитетының торак комиссиясе турында нигезләмәне расларга (1 кушымта).

2. Әлеге карарны Тукай муниципаль районының рәсми сайтында һәм Татарстан Республикасы рәсми хокукый мәгълүмат порталында (http://pravo.tatarstan.ru) урнаштырырга.

3. Әлеге карар үтәлешен контрольдә тотуны үз җаваплылыгымда калдырам.

Башкарма комитет Җитәкчесе                                                        А.Р. Хәбибуллин

Тукай муниципаль районы Башкарма комитетыныӊ 2021 елныӊ ___ маендагы ____ номерлы карарына 1 кушымта

Татарстан Республикасы Тукай муниципаль районы Башкарма комитеты каршындагы торак комиссиясе турында нигезләмә

1. Гомуми нигезләмәләр

1.1. Торак комиссиясе Татарстан Республикасы Тукай муниципаль районы Башкарма комитеты каршында төзелә.

Торак комиссиясе нигезләмәсе һәм составы муниципаль район Башкарма комитеты карары белән раслана.

1.2. Торак комиссиясе үз эшендә Россия Федерациясенең һәм Татарстан Республикасының гамәлдәге законнарына, шулай ук әлеге нигезләмәгә таяна.

1.3. Торак комиссиясе коллегиальлек, хәбәрдарлык һәм карар кабул иткәндә җәмәгатьчелекне җәлеп итү нигезендә эш итә.

2. Торак комиссиясенең төп бурычлары

Торак комиссиясенең төп бурычлары булып тора:

торак шартларын яхшырту өчен исәпкә кую турында гражданнарның гаризаларын карау, булган программалар буенча чиратны билгеләү, торак төзү яки сатып алу өчен түләү алучыларның җыелма исемлекләренә кертү;

гамәлдәге законнар нигезендә гаризага теркәлгән анкетаның һәм исәпкә кую турында карар кабул итү өчен кирәкле документлар исемлегенең тулылыгын тикшерү;

гамәлдәге законнар нигезендә торак шартларын яхшыртуга мохтаҗ гаиләләрне исәпкә кую һәм исәпкә куюдан баш тарту турында тәкъдимнәр әзерләү;

торак төзелеше яки торак сатып алу өчен түләүләр алучыларның җыелма исемлеген килештерү;

исәпкә алу эшләрен, реестрны формалаштыруныӊ һәм алып баруның дөреслеген котрольдә тоту һәм торак шартларын яхшырту өчен исәпкә куелган гаиләләрнең локаль исемлекләрен алып бару;

исәптә торган гражданнарның исәпкә алу эшләренә үзгәрешләр кертү турында гаризаларны карау;

программа шартларын үтәү яки үтәмәү турында мәсьәләне карау.

3. Торак комиссиясе составы

Торак комиссиясе составына җирле үзидарә органнары, хокук саклау органнары, яшьләр һәм башка иҗтимагый оешмалар вәкилләре керә.

Торак комиссиясе түбәндәге әгъзалардан тора:

- торак комиссиясе рәисе – Тукай муниципаль районы Башкарма комитеты Җитәкчесе;

- торак комиссиясе секретаре;

Комиссия әгъзалары:

- Башкарма комитет Җитәкчесенең төзелеш, архитектура һәм халык  яшәешен тәэмин итү буенча урынбасары;

- Башкарма комитет Җитәкчесенең социаль мәсьәләләр буенча урынбасары;

- Тукай муниципаль районының милек һәм җир мөнәсәбәтләре палатасы рәисе;

- Тукай муниципаль районы Советыныӊ юридик бүлеге башлыгы;

- Татарстан Республикасы Хезмәт, мәшгульлек һәм социаль яклау министрлыгының Тукай районы буенча социаль яклау бүлеге башлыгы;

- Тукай муниципаль районы Башкарма комитетының яшьләр эшләре, спорт һәм туризм бүлеге җитәкчесе;

- Тукай районы авыл хуҗалыгы һәм азык-төлек идарәсе вәкиле;

- Россия Эчке эшләр министрлыгының Татарстан Республикасы Тукай районы буенча идарәсе вәкиле.

Торак комиссиясен рәис җитәкли.

Торак комиссиясе кворумы өчен торак комиссиясе составының кимендә 2/3 булырга тиеш.

4. Торак комиссиясе эшчәнлеген оештыру

4.1. Торак комиссиясе рәисе торак комиссиясен җитәкли һәм аның эшен оештыра.

4.2.Утырышлар, әгәр аларда торак комиссиясе составының кимендә 2/3 өлеше катнашса, хокуклы дип санала.

4.3. Тукай муниципаль районы Башкарма комитетының җаваплы заты гражданнарны исәпкә алу турындагы мәсьәләне карау өчен барлык кирәкле документларны әзерли.

4.4. Торак комиссиясе утырышында тикшерелә торган мәсьәләләр һәм кабул ителгән карарлар торак комиссиясе утырышы беркетмәсе белән рәсмиләштерелә.

Торак комиссиясе карары, утырышта катнашучыларның күпчелеге аның өчен тавыш бирсә, кабул ителгән дип санала. Торак комиссиясе карары тәкъдим итү характерына ия.

4.5. Торак комиссиясе карарын исәпкә алып, Тукай муниципаль районы Башкарма комитеты Җитәкчесе торак шартларын яхшырту өчен гражданнарны исәпкә кую (баш тарту) турында беркетмәгә кул куя.

4.6. Тукай муниципаль районы Башкарма комитетының җаваплы заты торак шартларын яхшыртуга мохтаҗ гаиләләр реестрын формалаштыра, аны раслый һәм гамәлдәге законнар нигезендә махсуслаштырылган оешмага тапшыра.

4.7. Торак комиссиясе исәп эшләрен формалаштыру, алып бару, аларның дөреслеген контрольдә тоту, программалар буенча торак шартларын яхшырту өчен исәпкә алынган гаиләләрнең локаль исемлекләрен алып бару эшендә катнаша.

4.8. Торак комиссиясе агымдагы елга түләү алучыларның җыелма исемлегенә кертү өчен гариза бирүчеләрне барлык программалар буенча ел саен яңадан теркәүне үткәрүдә катнаша.

5. Торак комиссияләренең җаваплылыгы

Торак комиссиясе әгъзалары гамәлдәге законнар нигезендә торак шартларын яхшырту өчен җыелма исемлекләрне формалаштыру, исәп эшләрен алып бару һәм гаиләләрнең локаль исемлекләрен алып бару өчен җаваплы.