Калмаш авыл җирлегенә яңа башлык билгеләнде

2026 елның 25 мае, дүшәмбе

Тукай районы башлыгы Камил Нәҗмиев атналык киңәшмәдә Калмаш авыл җирлегенең яңа җитәкчесе итеп «Татарстан Геройлары» кадрлар программасы катнашучысы Денис Балмышевны тәкъдим итте.

Атналык эшлекле киңәшмәдә Тукай районы башлыгы Камил Нәҗмиев катнашучыларга Калмаш авыл җирлегенең яңа башлыгын рәсми рәвештә тәкъдим итте. Бу җаваплы вазифаны хәзер махсус хәрби операция ветераны Денис Владимирович Балмышев җитәкләячәк.

Яңа авыл җирлеге башлыгы — безнең районнан хәрбиләрне дәүләт һәм муниципаль идарә органнарына әзерләү һәм алга этәрүгә юнәлтелгән «Батырлар. Татарстан Геройлары» республика кадрлар программасында катнашучы.