3 сентябрьдә, Россиядә Террорчылыкка каршы бердәмлек көне билгеләп үтелә.
...2004 елның сентябрендә Төньяк Осетиянең Беслан шәһәрендә террорчыларның мәктәпне камап алуы турындагы җанөшеткеч фаҗигане күпләрегез яхшы хәтерлидер әле. Алар 300дән артык кешенең гомерен вакытсыз өзеләр. Шуларның 186сы мәктәпәкәчә һәм мәктәп яшендәге балалар булуы аеруча тетрәндерә. Әлеге куркыныч вакыйганы, бу зур югалтуларны онытырга мөмкинме соң?! Шул уңайдан 3 сентябрь Россиядә Террорчылыкка каршы бердәмлек көне итеп игълан ителде.