Татарстан Републикасы Тукай муниципаль районы Башкарма комитетының 2019 елның 8 февралендәге 327 санлы карарына 2 кушымта
Татарстан Республикасында социаль ипотека системасында торак шартларын яхшыртуга мохтаҗларны исәпкә кую буенча муниципаль хезмәт күрсәтүнең административ регламенты
- Гомуми нигезләмәләр
1.1. Әлеге муниципаль хезмәт күрсәтү административ регламенты (алга таба – регламент) Татарстан Республикасында социаль ипотека системасында торак шартларын яхшыртуга мохтаҗларны исәпкә кую буенча муниципаль хезмәт күрсәтү стандартын һәм тәртибен билгели.
1.2. Муниципаль хезмәттән файдаланучылар: физик затлар (алга таба – гариза бирүче).
1.3. Муниципаль хезмәт Татарстан Республикасы Тукай муниципаль районы Башкарма комитеты (алга таба – Башкарма комитет) тарафыннан күрсәтелә.
Муниципаль хезмәтне үтәүче – Башкарма комитетның төзелеш, архитектура һәм халык яшәешен тәэмин итү бүлеге (алга таба – бүлек).
1.3.1. Башкарма комитетның урнашу урыны: Татарстан Республикасы, Яр Чаллы шәһәре, Муса Җәлил проспекты, 46 йорт.
1.3.2. Бүлекнеӊ урнашу урыны: Татарстан Республикасы, Яр Чаллы шәһәре, Муса Җәлил проспекты, 46 йорт.
Башкарма комитетның эш графигы:
дүшәмбе – җомга: 8.00 дән 17.00 сәгатькә кадәр;
шимбә, якшәмбе: ял көннәре.
Ял һәм аш вакыты эчке эш тәртибе кагыйдәләре белән билгеләнә.
Белешмә өчен телефон: (8552) 71-42-83.
Җәмәгать транспорты белән «Культура Паркы», «Энергетик» мәдәният йорты» тукталышларына кадәр барырга:
- 1, 2, 6, 7, 8, 10, 16, 22, 43, 203, 205, 211, 305 нче автобуслар;
- 1, 4, 6, 8 нче трамвайлар.
Керү шәхесне таныклаучы документлар буенча.
1.3.3. Муниципаль хезмәт турында мәгълүматны түбәндәгечә алырга мөмкин:
1) гариза бирүчеләр белән эшләү өчен, Башкарма комитет бүлмәләрендә урнашкан муниципаль хезмәт турында визуаль һәм текстлы мәгълүматны үз эченә алган мәгълүмат стендлары ярдәмендә;
2) «Интернет» челтәрендә муниципаль районныӊ рәсми сайты аша (http:// www. tukay.tatar.ru.);
3) Татарстан Республикасының Дәүләт һәм муниципаль хезмәтләр порталы аша (http://uslugi. tatar.ru/);
4) Бердәм дәүләт һәм муниципаль хезмәтләр (функцияләр) порталы аша (http:// www.gosuslugi.ru/);
5) Башкарма комитетта (бүлектә):
телдән мөрәҗәгать иткәндә – шәхсән яки телефон аша;
язмача (шул исәптән электрон документ рәвешендә) мөрәҗәгать иткәндә – почта аша кәгазьдә, электрон почта аша электрон рәвештә.
1.3.4. Муниципаль хезмәт күрсәтү мәсьәләләре буенча мәгълүмат бүлек белгече тарафыннан муниципаль районның рәсми сайтында һәм гариза бирүчеләр белән эшләү өчен Башкарма комитет бүлмәләрендәге мәгълүмат стендларында урнаштырыла.
1.4. Муниципаль хезмәт күрсәтү түбәндәгеләр нигезендә гамәлгә ашырыла:
2004 елныӊ 29 декабрендәге 188-ФЗ санлы Россия Федерациясе Торак кодексы (алга таба – РФ ТК) (РФ Законнар җыентыгы, 03.01.2005, № 1 (1 өлеш), 14 м.);
«Россия Федерациясендә җирле үзидарә оештыруның гомуми принциплары турында» 2003 елның 6 октябрендәге 131-ФЗ санлы Федераль закон (алга таба – 131-ФЗ санлы Федераль закон) (РФ Законнар җыентыгы, 06.10.2003, № 40, 3822 м.);
«Дәүләт һәм муниципаль хезмәтләр күрсәтүне оештыру турында» 2010 елның 27 июлендәге 210-ФЗ санлы Федераль закон (алга таба – 210-ФЗ санлы Федераль закон) (РФ Законнар җыентыгы, 02.08.2010, № 31, 4179 м.);
«Татарстан Республикасында җирле үзидарә турында» 2004 елныӊ 28 июлендәге 45-ТРЗ (алга таба – 45-ТРЗ санлы ТР Законы) (Татарстан Республикасы, №155-156, 03.08.2004);
«Татарстан Республикасында торак төзелешен үстерүгә дәүләт ярдәме һәм дәүләт ярдәме кысаларында торак бирү тәртибен камилләштерү турында» 2004 елның 27 декабрендәге 69-ТРЗ санлы Татарстан Республикасы Законын гамәлгә ашыруныӊ алга таба чаралары хакында» Татарстан Республикасы Министрлар Кабинетыныӊ 2007 елныӊ 2 августындагы 366 санлы карары (алга таба – 366 санлы ТР МК карары) (Татарстан Республикасы, № 157, 07.08.2007);
«Татарстан Республикасында социаль ипотека системасында торак шартларын яхшыртуга мохтаҗларны исәпкә кую кагыйдәләрен һәм тәртибен раслау турында» Татарстан Республикасы Министрлар Кабинетының 2005 елныӊ 15 апрелендәге 190 санлы карары (алга таба – Кагыйдәләр һәм тәртип) (Татарстан Республикасы, № 82-83, 23.04.2005);
Тукай муниципаль районы Советыныӊ 2012 елныӊ 20 июнендәге 13/1 санлы карары белән кабул ителгән Татарстан Республикасы Тукай муниципаль районы уставы (алга таба – устав);
Тукай муниципаль районы Советыныӊ 2005 елныӊ 22 декабрендәге 4/14 санлы карары белән расланган Тукай муниципаль районы Башкарма комитеты турында нигезләмә (алга таба – БК турында нигезләмә);
Башкарма комитет Җитәкчесенеӊ 2011 елныӊ 1 мартындагы 8 санлы боерыгы белән расланган бүлек турында нигезләмә (алга таба – бүлек турында нигезләмә);
Башкарма комитет Җитәкчесенеӊ 2008 елныӊ 17 мартындагы 343 санлы боерыгы белән расланган Башкарма комитетныӊ эчке хезмәт тәртибе кагыйдәләре (алга таба – кагыйдәләр).
1.5. Әлеге регламентта түбәндәге терминнар һәм билгеләмәләр кулланыла:
мөрәҗәгать итүче – «Татарстан Республикасында торак төзелешен үстерүгә дәүләт ярдәме турында» Татарстан Республикасы Законы белән билгеләнгән тәртиптә дәүләт ярдәме алу өчен исәпкә кую максаты белән торак шартларын яхшыртуга мохтаҗ гаилә (аныӊ әгъзасы булып тора) исеменнән (яисә үз исеменнән, әгәр никахта булмаса) гариза бирүче Татарстан Республикасында яшәүче;
торак комиссиясе – Яр Чаллы шәһәрендә яки Тукай муниципаль районы Башкарма комитеты каршындагы районда социаль ипотека буенча торак урыннары сатып алу өчен гаиләләрне исәпкә алу буенча иҗтимагый торак комиссиясе;
Дәүләт торак фонды – «Татарстан Республикасы Президенты каршындагы дүләт торак фонды» коммерциясез оешмасы;
Әлеге регламентта муниципаль хезмәт күрсәтү турында гариза (алга таба – гариза) дигәндә муниципаль хезмәт күрсәтүне сорау аңлашыла (210-ФЗ санлы Федераль законның 2 маддәсе 2 пункты, 27.07.2010 ел). Гариза Башкарма комитет карары белән расланган үрнәк яки стандарт бланкта ирекле формада тутырыла.
2. Муниципаль хезмәт күрсәтү стандарты
|
Муниципаль хезмәт күрсәтү стандартына таләп исеме |
Стандартка таләпләр эчтәлеге |
Хезмәт күрсәтүне яки таләпне билгеләүче норматив акт |
|
2.1. Муниципаль хезмәт күрсәтү исеме |
Татарстан Республикасында социаль ипотека системасында торак шартларын яхшыртуга мохтаҗларны исәпкә кую |
190 санлы ТР МК карарыныӊ 1 п. |
|
2.2. Муниципаль хезмәтне турыдан-туры күрсәтүче башкарма хакимият органы исеме |
Татарстан Республикасы Тукай муниципаль районы Башкарма комитеты |
|
|
2.3. Муниципаль хезмәт күрсәтү нәтиҗәсен тасвирлау |
Исәпкә кую һәм «Татарстан Республикасы Президенты каршындагы дәүләт торак фонды» коммерциясез оешмасының җыелма исемлегенә кертү Муниципаль хезмәт күрсәтүдән баш тарту турында карар |
|
|
2.4. Муниципаль хезмәт күрсәтү срогы |
«Татарстан Республикасы буенча гражданнарның җыелма исемлегенә яңа гариза бирүчеләрне гаилә әгъзалары белән теркәү турында» боерык чыгару – 21 көн Мөрәҗәгать итүчегә карар кабул ителгән вакыттан алып ике көн эчендә Татарстан Республикасы буенча гаиләләр реестрына кертү турында хәбәр итү Комиссиянең чираттагы утырышын көтү срогы һәм «Татарстан Республикасы Президенты каршындагы дәүләт торак фонды коммерциясез оешмасы» тарафыннан административ процедураларны үтәү срогы хезмәт күрсәтү вакытына керми Комиссия утырышлары айга бер тапкыр уздырыла |
|
|
2.5. Муниципаль хезмәт күрсәтү өчен, шулай ук мөрәҗәгать итүче тарафыннан тапшырылырга тиешле муниципаль хезмәтләр күрсәтү өчен кирәкле һәм мәҗбүри булган хезмәтләр күрсәтү өчен законнар һәм башка норматив хокукый актлар нигезендә кирәкле документларның тулы исемлеге |
1) гариза; 2) шәхесне раслаучы документлар; 3) вәкил вәкаләтләрен раслаучы документ (әгәр мөрәҗәгать итүче исеменнән вәкил эшли икән); 4) анкета; 5) мөрәҗәгать итүчене һәм аның гаиләсен социаль ипотека буенча торак шартларын яхшырту өчен исәпкә алу турында мәсьәләне карау өчен кирәкле документлар. Гариза һәм документлар бер нөсхәдә тапшырыла |
190 санлы ТР МК карарыныӊ 7 п. |
|
2.6 Дәүләт органнары, җирле үзидарә органнары һәм башка оешмалар карамагында булган һәм гариза бирүче тәкъдим итәргә хокуклы муниципаль хезмәт күрсәтү өчен норматив хокукый актлар нигезендә кирәкле документларның тулы исемлеге |
Ведомствоара хезмәттәшлек кысаларында алына: 1) күчемсез мөлкәткә һәм аның белән алыш-бирешләргә хокукларның бердәм дәүләт реестрыннан алынган (булган) күчемсез милек объектларына аерым затның хокуклары турында өземтә; 2) күчемсез мөлкәткә һәм аның белән алыш-бирешләргә хокукларның бердәм дәүләт реестрыннан хокукларныӊ күчемсез милек объектына күчү турында өземтә (соңгы биш елда Татарстан Республикасыннан читтә яшәгән очракта); 3) шәхси эшмәкәр булып торучы затның 3-НДФЛ формасы буенча керемнәре турында белешмәләр; 4) физик затныӊ керемнәре турында 2-НДФЛ формасы буенча белешмә; 5) йорт кенәгәсеннән өземтә (документ җирле үзидарә органнары тарафыннан бирелгән очракта); 6) торак һәм торак урынның гомуми мәйданы һәм бирү датасы күрсәтелгән финанс-шәхси счеты (документ җирле үзидарә органнары тарафыннан бирелгән очракта); 7) социаль түләүләр алу турында мәгълүматлар; 8) торак урынны яшәү өчен яраксыз дип тану турында карар (яшәү өчен яраксыз торак урынын биләгән гражданнар өчен) |
|
|
2.7. Муниципаль хезмәт күрсәтүче башкарма хакимият органы тарафыннан гамәлгә ашырыла торган муниципаль хезмәт күрсәтү өчен, норматив хокукый актларда каралган очракларда алар белән килештерү таләп ителгән дәүләт органнары, җирле үзидарә органнары һәм аларның структур бүлекчәләре исемлеге |
Чиратта торучылар исемлеге «Татарстан Республикасы Президенты каршындагы дәүләт торак фонды» коммерциясез оешмасы (алга таба – Дәүләт торак фонды) тарафыннан килештерелә |
|
|
2.8. Муниципаль хезмәт күрсәтү өчен кирәкле документларны кабул итүдән баш тарту өчен нигезләрнең тулы исемлеге |
1) документларны тиешле затныӊ тапшырмавы; 2) тапшырылган документларның әлеге регламентның 2.5 пунктында күрсәтелгән документлар исемлегенә туры килмәве; 3) гаризада һәм гаризага теркәлә торган документларда төзәтүләр, аларның эчтәлеген төрлечә аӊларга мөмкинлек бирә торган җитди хаталар бар; 4) башка органга документлар тапшыру |
|
|
2.9. Муниципаль хезмәт күрсәтүне туктатып тору яки баш тарту өчен нигезләрнең тулы исемлеге |
Хезмәт күрсәтүне туктату өчен нигез каралмаган. Баш тарту өчен нигезләр: 1) социаль ипотека системасында торак шартларын яхшыртуга мохтаҗларны исәпкә кую хокукын расламый торган документлар тапшыру; 2) мөрәҗәгать итүче тарафыннан документлар тулы күләмдә тапшырылмаган яисә тапшырылган гаризада һәм (яки) документларда тулы булмаган һәм (яки) дөрес булмаган мәгълүмат бар; 3) торак шартларын начарайтуга китергән гамәлләр кылган көннән вакыт (биш ел) үтмәгән; 4) тиешле документ мөрәҗәгать итүче тарафыннан үз инициативасы буенча тапшырылмаган очракта, ведомствоара запроска дәүләт хакимияте органының, җирле үзидарә органының яисә дәүләт хакимияте органы, җирле үзидарә органы ведомство карамагындагы оешманың муниципаль хезмәт күрсәтү өчен кирәкле документ һәм (яки) мәгълүмат булмавы турында җавабы килү; 5) әлеге кагыйдәләр һәм тәртиптә каралган очраклардан тыш, мөрәҗәгать итүчегә элек социаль ипотека системасында дәүләт ярдәме кысаларында торак урыны бирү; 6) мөрәҗәгать итүченең аерым категорияләрне торак белән тәэмин итү буенча федераль һәм республика программаларында катнашуы |
РФ ТК 53 м.; 190 санлы ТР МК карарыныӊ 10 п. |
|
2.10. Муниципаль хезмәт күрсәткән өчен алына торган дәүләт пошлинасы яки башка түләү алу тәртибе, күләме һәм нигезләре |
Муниципаль хезмәт түләүсез нигездә күрсәтелә
|
|
|
2.11. Муниципаль хезмәт күрсәтү өчен кирәкле һәм мәҗбүри булган хезмәт күрсәтүләр өчен түләү алу тәртибе, күләме һәм нигезләре, шул исәптән мондый түләү күләмен исәпләү методикасы турында мәгълүматны да кертеп |
Кирәкле һәм мәҗбүри хезмәт күрсәтү таләп ителми |
|
|
2.12. Муниципаль хезмәт күрсәтүне сораганда һәм мондый хезмәт күрсәтү нәтиҗәләрен алганда чиратның максималь вакыты
|
Чират булганда муниципаль хезмәт алуга гариза бирү 15 минуттан да артмаска тиеш. Муниципаль хезмәт күрсәтү нәтиҗәсен алган очракта, чиратта көтүнең максималь вакыты 15 минуттан артмаска тиеш |
Әлеге регламент белән билгеләнгән |
|
2.13. Муниципаль хезмәт күрсәтү турында мөрәҗәгать итүченең соравын теркәү вакыты |
Гариза кергән вакыттан бер көн эчендә
|
|
|
2.14. Муниципаль хезмәт күрсәтелә торган биналарга таләпләр
|
Кәгазьдә гариза бүлеккә тапшырыла. Әлеге урын өстәл һәм урындыклар, муниципаль хезмәт алу өчен кирәкле документларны, гариза тутыру үрнәкләрен үз эченә алган мәгълүмати стендлар белән җиһазландырылган |
|
|
2.15. Муниципаль хезмәт күрсәтүнең һәркем өчен мөмкин булуы һәм сыйфат күрсәткечләре |
Муниципаль хезмәт күрсәтүләрнең һәркем өчен мөмкин булуы күрсәткечләре булып тора: бинаныӊ җәмәгать транспорты йөри торган урында урнашуы; кирәкле санда белгечләр, шулай ук гариза бирүчеләрдән документлар кабул ителә торган биналар булу; мәгълүмати стендларда, «Интернет» челтәрендә мәгълүмат ресурсларында, дәүләт һәм муниципаль хезмәтләрнең бердәм порталында муниципаль хезмәт күрсәтү ысуллары, тәртибе һәм сроклары турында тулы мәгълүмат булу. Муниципаль хезмәт күрсәтүнең сыйфаты түбәндәгеләр булмау белән характерлана: мөрәҗәгать итүчеләр тарафыннан документлар кабул иткәндә һәм тапшырганда чиратлар; муниципаль хезмәт күрсәтү срокларын бозу; муниципаль хезмәт күрсәтүче муниципаль хезмәткәрләрнең гамәлләренә (гамәл кылмауларына) карата шикаять; муниципаль хезмәт күрсәтүче муниципаль хезмәткәрләрнең гариза бирүчеләргә карата әдәпсез, игътибарсыз мөнәсәбәтенә карата шикаятьләр. Дәүләт һәм муниципаль хезмәтләр күрсәтүнең күпфункцияле үзәгендә (алга таба – КФҮ) муниципаль хезмәт күрсәткәндә консультация, документлар кабул итү һәм бирүне КФҮ белгече башкара |
|
|
2.16. Электрон формада муниципаль хезмәт күрсәтү үзенчәлекләре |
Муниципаль хезмәтләрне электрон формада алу тәртибе турында консультацияне Интернет кабул итү бүлмәсе аша яисә Татарстан Республикасы дәүләт һәм муниципаль хезмәтләр порталы аша алырга мөмкин. Әгәр закон нигезендә муниципаль хезмәт күрсәтү турында гаризаны электрон формада бирү каралган булса, гариза Татарстан Республикасы дәүләт һәм муниципаль хезмәтләр порталы (http://uslugi.tatar.ru/) яки Дәүләт һәм муниципаль хезмәтләр (функцияләр) бердәм порталы аша (http:/ www.gosuslugi.ru/ бирелә |
|
3. Административ процедураларның составы, эзлеклелеге һәм башкару вакыты, аларны үтәү тәртибенә карата таләпләр, шул исәптән административ процедураларны электрон рәвештә башкару үзенчәлекләре, шулай ук административ процедураларны дәүләт хезмәтләре һәм муниципаль хезмәтләр күрсәтүнең күпфункцияле үзәге, күпфункцияле үзәкнең читтән торып эшләү урыннарында башкару үзенчәлекләре
3.1. Муниципаль хезмәт күрсәткәндә гамәлләр тәртибен тасвирлау
3.1.1. Муниципаль хезмәт күрсәтү түбәндәге процедураларны үз эченә ала:
1) мөрәҗәгать итүчегә консультация бирү;
2) гариза кабул итү һәм теркәү;
3) муниципаль хезмәт күрсәтүдә катнашучы органнарга ведомствоара запрослар формалаштыру һәм юнәлтү;
4) комисия тарафыннан торак шартларын тикшерү;
5) муниципаль хезмәт нәтиҗәсен әзерләү;
6) гариза бирүчегә муниципаль хезмәт нәтиҗәсен җибәрү.
3.2. Гариза бирүчегә консультация бирү
3.2.1. Мөрәҗәгать итүче муниципаль хезмәт алу тәртибе турында консультацияләр алу өчен бүлеккә шәхсән, телефоны буенча һәм (яки) электрон почта аша мөрәҗәгать итәргә хокуклы.
Бүлек белгече мөрәҗәгать итүчегә консультация бирә, шул исәптән муниципаль хезмәт күрсәтү өчен тапшырыла торган документлар формасы һәм башка мәсьәләләр буенча, кирәк булганда гариза бланкын тутыруда ярдәм күрсәтә.
Әлеге пункт белән билгеләнгән процедуралар мөрәҗәгать итү көнендә гамәлгә ашырыла.
Процедураларның нәтиҗәсе: тапшырыла торган документлар составы, формасы һәм рөхсәт алуга башка мәсьәләләр буенча консультацияләр.
3.3. Гариза кабул итү һәм теркәү
3.3.1. Мөрәҗәгать итүче үзе яки ышанычлы зат аша муниципаль хезмәт күрсәтү турында язма гариза бирә һәм әлеге регламентныӊ 2.5 пункты нигезендә бүлеккә документлар тапшыра.
Муниципаль хезмәт күрсәтү турында электрон формадагы гариза электрон почта яки Интернет кабул итү бүлмәсе аша бүлеккә җибәрелә. Электрон формада кергән гаризаны теркәү билгеләнгән тәртиптә башкарыла.
3.3.2. Гаризалар кабул итүче бүлек белгече түбәндәгеләрне тормышка ашыра:
- мөрәҗәгать итүченең шәхесен билгеләү;
- мөрәҗәгать итүченең вәкаләтләрен тикшерү (ышаныч кәгазе буенча эш иткән очракта);
- әлеге регламентның 2.5 пунктында каралган документларның булу-булмавын тикшерү;
- тәкъдим ителгән документларның билгеләнгән таләпләргә туры килүен тикшерү (документларның күчермәләрен тиешенчә рәсмиләштерү, документларда сызылган сүзләр, төзәтүләр булмау).
Кимчелекләр булмаган очракта бүлек белгече түбәндәгеләрне тормышка ашыра:
- махсус журналда гариза кабул итү һәм теркәү;
- мөрәҗәгать итүчегә, документларны кабул итү датасы, керү номеры, муниципаль хезмәт күрсәтүне үтәү датасы һәм вакытын күрсәтеп, тапшырылган документлар исемлеге күчермәсен тапшыру;
- гаризаны Башкарма комитет Җитәкчесенә карап тикшерүгә җибәрү.
Документларны кабул итүдән баш тарту өчен нигез булган очракта, документларны кабул итүче бүлек белгече мөрәҗәгать итүчегә гаризаны теркәү өчен каршылыклар булу турында хәбәр итә һәм документларны кабул итмәү өчен ачыкланган нигезләрне язмача аӊлатып документларны кире кайтара.
Әлеге пункт белән билгеләнә торган процедуралар гамәлгә ашырыла:
гаризаны һәм документларны 15 минут эчендә кабул итү;
гаризаны гариза кергән вакыттан бер көн эчендә теркәү;
Процедура нәтиҗәсе: кабул ителгән һәм теркәлгән гариза Башкарма комитет Җитәкчесенә карап тикшерүгә юнәлтелгән яки документлар гариза бирүчегә кире кайтарылган.
3.3.3. Башкарма комитет Җитәкчесе гаризаны карый, башкаручыны билгели һәм документларны бүлеккә җибәрә.
Әлеге пунктта билгеләнә торган процедура гариза теркәлгәннән соң бер көн эчендә гамәлгә ашырыла. Процедураның нәтиҗәсе: башкаручыга җибәрелгән гариза.
3.4. Муниципаль хезмәт күрсәтүдә катнашучы органнарга ведомствоара запрослар формалаштыру һәм юнәлтү
3.4.1. Бүлек белгече ведомствоара электрон хезмәттәшлек системасы аша электрон формада түбәндәгеләрне сората:
1) Бердәм дәүләт күчемсез милек реестрыннан өземтә (соӊгы биш ел өчен (Татарстан Республикасыннан читтә яшәгәндә);
2) шәхси эшмәкәр булган затныӊ керемнәре турында 3-НДФЛ формасы буенча белешмә;
3) физик затныӊ керемнәре турында 2-НДФЛ формасы буенча белешмәләр;
4) йорт кенәгәсеннән өземтә (документ җирле үзидарә органнары тарафыннан бирелгән очракта);
5) торак һәм торак урынның гомуми мәйданы һәм бирү датасы күрсәтелгән финанс-шәхси счеты (документ җирле үзидарә органнары тарафыннан бирелгән очракта);
6) социаль түләүләр алу турында мәгълүматлар;
7) торак урынны яшәү өчен яраксыз дип тану турында карар (яшәү өчен яраксыз торак урынын биләгән гражданнар өчен).
Әлеге пункт белән билгеләнә торган процедуралар муниципаль хезмәт күрсәтү турында гариза кергән вакыттан алып бер эш көне эчендә гамәлгә ашырыла.
Процедураның нәтиҗәсе: хакимият органнарына юнәлдерелгән запрос.
3.4.2. Ведомствоара электрон хезмәттәшлек системасы аша кергән запрос нигезендә мәгълүмат белән тәэмин итүче белгечләр соратып алына торган документларны (мәгълүматны) тапшыралар яисә муниципаль хезмәт күрсәтү өчен кирәкле документ һәм (яки) мәгълүмат булмавы турында хәбәрнамәләр җибәрәләр (алга таба – баш тарту турында хәбәрнамә).
Әлеге пунктча белән билгеләнгән процедуралар түбәндәге срокларда башкарыла:
Росреестр белгечләре тарафыннан җибәрелә торган документлар (белешмәләр) буенча өч эш көненнән дә артмаска тиеш;
башка тәэмин итүчеләр буенча - документ һәм мәгълүмат бирә торган органга яки оешмага ведомствоара запрос кергән көннән алып биш көн эчендә, әгәр ведомствоара запроска җавап әзерләүнең һәм җибәрүнең башка сроклары федераль законнар, Россия Федерациясе Хөкүмәтенең хокукый актлары һәм федераль законнар нигезендә кабул ителгән Татарстан Республикасы норматив хокукый актлары белән билгеләнмәгән булса.
Процедураларның нәтиҗәсе: бүлеккә җибәрелгән документлар (мәгълүматлар) яки баш тарту турында хәбәрнамә.
3.5. Торак комиссиясе тарафыннан торак шартларын тикшерү
3.5.1. Бүлек белгече документларны исәпкә алу эшен рәсмиләштерә һәм иҗтимагый торак комиссиясе (алга таба – комиссия) каравына җибәрә.
Әлеге пункт белән билгеләнә торган процедуралар сорауларга җаваплар кергән вакыттан бер көн эчендә гамәлгә ашырыла.
Процедураларның нәтиҗәсе: комиссиягә җибәрелгән исәпкә алу эше.
3.5.2. Комиссия секретаре түбәндәгеләрне гамәлгә ашыра: кергән документларны өйрәнә; комиссия утырышы көнен билгели; комиссия әгъзаларына комиссия утырышы көне турында хәбәр итә.
Әлеге пункт белән билгеләнә торган процедуралар документлар кергән вакыттан алып ике көн эчендә гамәлгә ашырыла.
Процедураларның нәтиҗәсе: утырыш турында комиссия әгъзаларына хәбәр итү.
3.5.3. Комиссия тарафыннан гаризаны карау
Комиссия үз утырышында исәпкә алу эшен карый һәм социаль ипотека системасында торак шартларын яхшыртуга мохтаҗларны исәпкә кую чиратына кертү яки куюдан баш тарту турында карар кабул итә.
Процедураның нәтиҗәсе: чиратка кую яки куюдан баш тарту турында карар.
3.5.4. Комиссия секретаре комиссия карарын беркетмә рәвешендә рәсмиләштерә (бер нөсхә) һәм комиссия әгъзаларына имза куярга бирә.
Процедураның нәтиҗәсе: имза куярга тапшырылган бәяләмә.
3.5.5. Комиссия әгъзалары беркетмәгә кул куялар һәм комиссия секретаренә тапшыралар.
Әлеге Регламентның 3.5.3-3.5.5 пунктчалары белән билгеләнгән процедуралар комиссия утырышы көнендә гамәлгә ашырыла.
Процедураның нәтиҗәсе: комиссия әгъзалары кул куйган бәяләмә.
3.5.6. Комиссия секретаре комиссия беркетмәсен бүлек белгеченә гаиләнеӊ исәпкә алу эше белән бергә җибәрә.
Әлеге пункт белән билгеләнгән процедура карар кабул ителгән мизгелдән бер көн эчендә гамәлгә ашырыла.
Процедураның нәтиҗәсе: комиссия беркетмәсе һәм бүлек белгеченә юнәлтелгән исәпкә алу эше.
3.6. Муниципаль хезмәт нәтиҗәсен әзерләү
3.6.1. Бүлек белгече комиссия тарафыннан исәпкә кую турында карар кабул ителгән очракта:
1) Татарстан Республикасы буенча гражданнарның җыелма исемлегенә мөрәҗәгать итүченеӊ (никахта булмаган мөрәҗәгать итүченең) гаиләсе турында мәгълүматлар кертә («Исәпкә алу эшен эшен теркәү» картасын төзи, гариза бирүчегә хисап номерын бирә);
2) «Татарстан Республикасы буенча гражданнарның җыелма исемлегенә гаилә әгъзалары белән яңа гариза бирүчеләрне теркәү турында» боерык проектын әзерли (алга таба – боерык).
Комиссия исәпкә куюдан баш тарту турында карар кабул иткән очракта, бүлек белгече исәпкә куюдан баш тарту турында хат проектын әзерли (алга таба – хат) һәм килештерүгә җибәрә.
Әлеге пункт белән билгеләнә торган процедуралар беркетмә һәм гаиләнеӊ исәпкә кую эше кергән мизгелдән өч көн эчендә гамәлгә ашырыла.
Процедураларның нәтиҗәсе: бүлек башлыгына килештерүгә юнәлдерелгән боерык (хат) проекты.
3.6.2. Бүлек җитәкчесе боерык (хат) проектын килештерә һәм муниципаль район башлыгына имза кую өчен җибәрә.
Әлеге пункт белән билгеләнә торган процедуралар алдагы процедураны тәмамлаганнан соң бер көннән дә соңга калмыйча гамәлгә ашырыла.
Процедураларның нәтиҗәсе: район башлыгына кул куюга юнәлдерелгән боерык (хат) проекты.
3.6.3. Район башлыгы боерыкка (хатка) кул куя һәм бүлеккә җибәрә.
Әлеге пункт белән билгеләнә торган процедуралар алдагы процедураны тәмамлаганнан соң бер көннән дә соңга калмыйча гамәлгә ашырыла.
Процедураларның нәтиҗәсе: бүлеккә җибәрелгән боерык (хат).
3.6.4. Бүлек белгече боерыкны алгач, документлар туплый һәм Дәүләт торак фондына җибәрә.
Исәпкә куюдан баш тарткан очракта, имзаланган хат комиссия карары белән гариза бирүчегә почта аша җибәрелә.
Әлеге пункт белән билгеләнә торган процедура алдагы процедураны тәмамлаганнан соң өч көн эчендә гамәлгә ашырыла.
3.6.6. Дәүләт торак фонды документлар кабул итә һәм гамәлгә ашыра:
торак төзелешен үстерүгә дәүләт ярдәме, җирләрнең дәүләт резервын формалаштыру һәм куллану тәртибе өлкәсендә үзара хезмәттәшлек турында төзелгән килешүләр нигезендә аларны анализлау һәм гомумиләштерү;
шәһәр һәм районнар буенча аерып, исәпкә куелган гаилә реестрын формалаштыру (шулай ук никахта булмаган гариза бирүчеләрне);
исәпкә куелган яки исәпкә куюдан баш тарту сәбәпләрен күрсәтеп, гаиләләр реестрын бүлеккә кире кайтару.
Әлеге пункт белән билгеләнә торган процедуралар Дәүләт торак фонды регламентында билгеләнгән вакытка гамәлгә ашырыла.
Процедураларның нәтиҗәсе: исәпкә кую яки сәбәпләрен күрсәтеп исәпкә куюдан баш тарту турында карар.
3.7. Гариза бирүчегә муниципаль хезмәт нәтиҗәсен бирү
3.7.1. Дәүләт торак фондыннан документлар алганнан соң, бүлек белгече мөрәҗәгать итүчегә социаль ипотека системасында торак шартларын яхшыртуга мохтаҗларны исәпкә кую чиратына һәм Дәүләт торак фонды реестрына кертү яки исәпкә куюдан баш тарту турында хәбәр итә.
Әлеге пункт белән билгеләнә торган процедуралар карар кергән көннән алып ике көн эчендә гамәлгә ашырыла.
Процедураларның нәтиҗәсе: гариза бирүчегә исәпкә кую яки куюдан баш тарту турында хәбәр итү.
3.8. КФҮ аша муниципаль хезмәт күрсәтү
3.8.1. Мөрәҗәгать итүче муниципаль хезмәт алу өчен КФҮкә мөрәҗәгать итәргә хокуклы.
3.8.2. КФҮ аша муниципаль хезмәт күрсәтү билгеләнгән тәртиптә расланган КФҮ эш регламенты нигезендә гамәлгә ашырыла.
3.8.3. КФҮтән муниципаль хезмәт алуга документлар кергәндә процедуралар әлеге регламентның 3.3-3.6 пунктлары нигезендә гамәлгә ашырыла. Муниципаль хезмәт нәтиҗәсе КФҮкә җибәрелә.
3.9. Техник хаталарны төзәтү
3.9.1. Муниципаль хезмәт нәтиҗәсе булган документта техник хата табылган очракта, гариза бирүче бүлеккә тапшыра:
техник хаталарны төзәтү турында гариза;
гариза бирүчегә муниципаль хезмәт нәтиҗәсе буларак бирелгән, техник хата булган документ;
техник хаталар булуны раслаучы юридик көчкә ия документлар.
Муниципаль хезмәт нәтиҗәсе булган документта күрсәтелгән белешмәләрдә техник хаталарны төзәтү турында гариза мөрәҗәгать итүче (вәкаләтле вәкил) тарафыннан шәхсән, яисә почта аша (шул исәптән электрон почта аша), яки дәүләт һәм муниципаль хезмәтләр күрсәтүнең бердәм порталы яисә дәүләт һәм муниципаль хезмәтләр күрсәтү күпфункцияле үзәге аша бирелә.
3.9.2. Документлар кабул итү өчен җаваплы белгеч техник хаталарны төзәтү турында гариза кабул итә, гаризаны (аӊа теркәлгән документлар белән) терки һәм бүлеккә тапшыра.
Әлеге пункт белән билгеләнә торган процедура гариза теркәлгәннән соң бер көн эчендә гамәлгә ашырыла.
Процедураның нәтиҗәсе: бүлек белгеченә карауга юнәлдерелгән кабул ителгән һәм теркәлгән гариза.
3.9.3. Бүлек белгече документларны карый һәм, хезмәт күрсәтү нәтиҗәсе булган документка төзәтмәләрне кертү максатында, әлеге регламентның 3.6 пунктында каралган процедураларны гамәлгә ашыра һәм мөрәҗәгать итүчегә (вәкаләтле вәкилгә) техник хата булган документның оригиналын алу белән, шәхсән кул куйдырып, төзәтелгән документны тапшыра яисә мөрәҗәгать итүчегә почта аша (электрон почта аша) техник хата булган документныӊ оригиналын тапшырып, документ алу мөмкинлеге турында хат җибәрә.
Әлеге пункт белән билгеләнә торган процедура техник хата ачыкланганнан яки теләсә кайсы кызыксынган заттан җибәрелгән хата турында гариза алганнан соң, өч көн эчендә гамәлгә ашырыла.
Процедураның нәтиҗәсе: гариза бирүчегә бирелгән (җибәрелгән) документ.
4. Муниципаль хезмәт күрсәтүне контрольдә тоту тәртибе һәм формалары
4.1. Муниципаль хезмәт күрсәтүнең тулылыгын һәм сыйфатын контрольдә тоту гариза бирүчеләрнең хокукларын бозу очракларын ачыклау һәм бетерү, муниципаль хезмәт күрсәтү процедураларының үтәлешен тикшерү, җирле үзидарә органы вазыйфаи затларының гамәлләренә (гамәл кылмауларына) карарлар әзерләүне үз эченә ала.
Административ процедураларның үтәлешен контрольдә тоту формалары булып тора:
1) муниципаль хезмәт күрсәтү буенча документлар проектларын тикшерү һәм килештерү. Тикшерү нәтиҗәсе булып проектларны визалау тора;
2) билгеләнгән тәртиптә эш кәгазьләрен алып баруны тикшерү;
3) муниципаль хезмәт күрсәтү процедураларының үтәлешен билгеләнгән тәртиптә тикшереп тору.
Контроль тикшерүләр план нигезендә (җирле үзидарә органы эшчәнлегенең ярты еллык яки еллык планнары нигезендә гамәлгә ашырыла) һәм планнан тыш булырга мөмкин. Тикшерүләр уздырганда муниципаль хезмәт күрсәтү белән бәйле барлык мәсьәләләр (комплекслы тикшерүләр) яисә мөрәҗәгать итүченең конкрет мөрәҗәгате буенча сорау каралырга мөмкин.
Муниципаль хезмәт күрсәткәндә гамәлләр кылуны контрольдә тоту һәм карарлар кабул итү максатында, Башкарма комитет Җитәкчесенә муниципаль хезмәт күрсәтү нәтиҗәләре турында белешмәләр тапшырыла.
4.2. Муниципаль хезмәт күрсәтү буенча административ процедураларда билгеләнгән гамәлләр үтәлешен агымдагы контрольдә тоту Башкарма комитет Җитәкчесенеӊ муниципаль хезмәт күрсәтү өчен җаваплы инфраструктура үсеше буенча урынбасары һәм инфраструктура үсеше бүлеге белгечләре тарафыннан башкарыла.
4.3. Агымдагы контрольне гамәлгә ашыручы вазыйфаи затлар исемлеге җирле үзидарә органының структур бүлекчәләре турында нигезләмәләр һәм вазыйфаи регламентлар белән билгеләнә.
Үткәрелгән тикшерүләр нәтиҗәләре буенча гариза бирүчеләрнең хокукларын бозу очраклары ачыкланганда, гаепле затлар Россия Федерациясе законнары нигезендә җаваплылыкка тартыла.
4.4. Җирле үзидарә органы җитәкчесе мөрәҗәгать итүчеләрнең гаризаларын вакытында карап тикшермәгән өчен җаваплылыкка ия.
Җирле үзидарә органының структур бүлекчәсе җитәкчесе (урынбасары) әлеге регламентның 3 бүлегендә күрсәтелгән административ гамәлләрнең вакытында һәм (яки) тиешенчә башкарылмавы өчен җаваплы.
Муниципаль хезмәт күрсәтү барышында кабул ителә торган (гамәлгә ашырыла торган) карарлар һәм гамәлләр (гамәл кылмау) өчен вазыйфаи затлар һәм башка муниципаль хезмәткәрләр законда билгеләнгән тәртиптә җаваплы.
4.5. Муниципаль хезмәт күрсәтүне гражданнар, аларның берләшмәләре һәм оешмалары тарафыннан тикшереп тору муниципаль хезмәт күрсәткәндә эшчәнлекнең ачыклыгы, муниципаль хезмәт күрсәтү тәртибе турында тулы, актуаль һәм ышанычлы мәгълүмат алу һәм муниципаль хезмәт күрсәтү процессында мөрәҗәгатьләрне (шикаятьләрне) судка кадәр карау мөмкинлеге аша гамәлгә ашырыла.
5. Муниципаль хезмәт күрсәтүче органнарның, шулай ук аларның вазыйфаи затларының, муниципаль хезмәткәрләрнең карарларына һәм гамәлләренә (гамәл кылмавына) шикаять белдерүнең судка кадәр (судтан тыш) тәртибе
5.1. Муниципаль хезмәт күрсәтүдән файдаланучылар муниципаль хезмәт күрсәтүдә катнашучы Башкарма комитет хезмәткәрләре гамәлләренә (гамәл кылмауларына) судка кадәр тәртиптә Башкарма комитетка, муниципаль берәмлек Советына шикаять бирергә хокуклы.
Мөрәҗәгать итүче шикаять белән шул исәптән түбәндәге очракларда да мөрәҗәгать итә ала:
1) муниципаль хезмәт күрсәтү турында мөрәҗәгать итүченең соравын теркәү вакытын бозу;
2) муниципаль хезмәт күрсәтү срогын бозу;
3) мөрәҗәгать итүчедән муниципаль хезмәт күрсәтү өчен Россия Федерациясе, Татарстан Республикасы, Тукай муниципаль районы норматив хокукый актлары белән каралмаган документларны таләп итү;
4) мөрәҗәгать итүчедән муниципаль хезмәт күрсәтү өчен Россия Федерациясе, Татарстан Республикасы, Тукай муниципаль районы норматив хокукый актлары белән каралган документларны кабул итүдән баш тарту;
5) Федераль законнар һәм алар нигезендә кабул ителгән Россия Федерациясенең, Татарстан Республикасыныӊ, Тукай муниципаль районыныӊ башка норматив хокукый актлары белән каралмаган очракта, муниципаль хезмәт күрсәтүдән баш тарту;
6) мөрәҗәгать итүчедән, муниципаль хезмәт күрсәткәндә, Россия Федерациясе, Татарстан Республикасы, Тукай муниципаль районы муниципаль норматив хокукый актларында каралмаган түләү алу;
7) Башкарма комитетның, Башкарма комитет вазыйфаи затыныӊ муниципаль хезмәт күрсәтү нәтиҗәсендә бирелгән документларда хаталарны төзәтүдән баш тартуы яисә мондый төзәтүләрнең билгеләнгән срогын бозу.
5.2. Шикаять язма рәвештә кәгазьдә яки электрон формада бирелә.
Шикаять почта, КФҮ аша, «Интернет» мәгълүмат-телекоммуникация челтәре, Тукай муниципаль районының рәсми сайты, Татарстан Республикасы дәүләт һәм муниципаль хезмәтләр бердәм порталы (http://uslugi.tatar.ru/), Дәүләт һәм муниципаль хезмәтләрнең бердәм порталы (функцияләре) (http://www.gosuslugi.ru/) аша җибәрелергә мөмкин, шулай ук мөрәҗәгать итүчене шәхси кабул итү вакытында кабул ителергә мөмкин.
5.3. Шикаятьне карау срогы – теркәлгән көннән алып унбиш эш көне эчендә. Муниципаль хезмәт күрсәтүче органның, муниципаль хезмәт күрсәтүче орган вазыйфаи затының мөрәҗәгать итүчедән документлар кабул итүдән яисә җибәрелгән хаталарны төзәтүдән баш тартуына яисә мондый төзәтмәләрнеӊ билгеләнгән срогын бозуга шикаять биргән очракта – аны теркәгән көннән соң биш эш көне эчендә.
5.4. Шикаятьтә түбәндәге мәгълүматлар булырга тиеш:
1) карарларына һәм гамәлләренә (гамәл кылмау) шикаять белдерелә торган хезмәт күрсәтүче органның, хезмәт күрсәтүче орган вазыйфаи затының яисә муниципаль хезмәткәрнең исеме;
2) мөрәҗәгать итүченең – физик затныӊ фамилиясе, исеме, атасының исеме (соңгысы – булган очракта), яшәү урыны турында мәгълүмат яисә мөрәҗәгать итүченең – юридик затныӊ исеме, урнашу урыны турында мәгълүмат, шулай ук элемтә өчен телефон номеры (номерлары), электрон почта адресы (булган очракта) һәм җавап бирү өчен почта адресы;
3) муниципаль хезмәт күрсәтүче органның, муниципаль хезмәт күрсәтүче орган вазыйфаи затының яки муниципаль хезмәткәренең шикаять белдерелә торган карарлары һәм гамәлләре (гамәл кылмау) турында мәгълүматлар;
4) мөрәҗәгать итүче муниципаль хезмәт күрсәтүче органның, муниципаль хезмәт күрсәтүче орган вазыйфаи затының яки муниципаль хезмәткәрнең карары һәм гамәле (гамәл кылмау) белән килешмәгәнне раслаучы дәлилләр.
5.5. Шикаятькә шикаятьтә бәян ителгән хәлләрне раслаучы документларның күчермәләре теркәлергә мөмкин. Бу очракта шикаятькә теркәлеп бирелә торган документлар исемлеге китерелә.
5.6. Шикаять муниципаль хезмәт алучы тарафыннан имзалана.
5.7. Шикаятьне карау нәтиҗәләре буенча Башкарма комитет Җитәкчесе (муниципаль район Башлыгы) түбәндәге карарларның берсен кабул итә:
1) шикаятьне канәгатьләндерә, шул исәптән кабул ителгән карарны гамәлдән чыгару, хезмәт күрсәтү нәтиҗәсендә бирелгән документларда җибәрелгән ялгышлык һәм хаталарны төзәтү, мөрәҗәгать итүчегә Россия Федерациясе норматив хокукый актлары, Татарстан Республикасы норматив хокукый актлары белән каралмаган акчаларны кире кайтару һ.б. рәвешләрдә;
2) шикаятьне канәгатьләндерүдән баш тарта.
5.8. Әлеге пунктта күрсәтелгән карар кабул ителгән көннән соң килүче көннән дә соңга калмыйча, мөрәҗәгать итүчегә язма рәвештә һәм мөрәҗәгать итүченең теләге буенча электрон формада шикаятьне карау нәтиҗәләре турында дәлилләнгән җавап җибәрелә.
5.8.1. Шикаять тиешле дәрәҗәдә канәгатьләндерелергә тиешле дип танылган очракта, мөрәҗәгать итүченеӊ әлеге маддәнең 8 өлешендә күрсәтелгән җавабында, дәүләт яисә муниципаль хезмәт күрсәткәндә ачыкланган җитешсезлекләрне кичекмәстән бетерү максатында, дәүләт хезмәте күрсәтүче орган, муниципаль хезмәт күрсәтүче орган, күпфункцияле үзәк яки әлеге Федераль законның 16 маддәсе 1.1 өлешендә каралган оешмалар тарафыннан гамәлгә ашырыла торган гамәлләр турында мәгълүмат бирелә, шулай ук китерелгән уңайсызлыклар өчен гафу үтенелә һәм алга таба гамәлләр турында (аларны мөрәҗәгать итүчегә дәүләт яки муниципаль хезмәт күрсәтүне алу максатында кылырга кирәк) мәгълүмат күрсәтелә.
5.8.2. Шикаять мөрәҗәгать итүченеӊ әлеге маддәнең 8 өлешендә күрсәтелгән җавабында тиешле дәрәҗәдә канәгатьләндерелергә тиешле дип танылган очракта, кабул ителгән карарның сәбәпләре турында дәлилләнгән аңлатмалар, шулай ук кабул ителгән карарга шикаять бирү тәртибе турында мәгълүмат бирелә.
5.9. Шикаятьне карау барышында яки нәтиҗәләре буенча административ хокук бозу составы билгеләре яки җинаять билгеләре ачыкланса, шикаятьләр карау буенча вәкаләтләр бирелгән вазыйфаи зат булган материалларны кичекмәстән прокуратура органнарына җибәрә.
Гариза бирүчене һәм аныӊ гаиләсен социаль ипотека системасы буенча торак шартларын яхшырту өчен исәпкә кую турында сорауны карау өчен документлар исемлеге
1. Гомуми нигезләрдә барлык гражданнар өчен:
гражданинның муниципаль район башкарма комитеты җитәкчесе исеменә гаризасы;
финанс-шәхси счет күчермәсе;
йорт кенәгәсеннән өземтә;
торак шартларын тикшерү турында белешмә (законда билгеләнгән тәртиптә яшәү өчен яраксыз дип танылган торак урыннар өчен);
ордер (найм, поднайм, аренда, субаренда килешүе);
барлык эшләүче гаилә әгъзаларының предприятие реквизитлары белән, гражданныӊ эш урыны, аның вазыйфасы мәгълүматларын үз эченә алган, җитәкче кул куйган һәм оешманың мөһере белән расланган эш урыныннан белешмә;
барлык гаилә әгъзаларының керемнәрен раслаучы документлар:
- узган ел өчен хезмәт хакы турында белешмә (2-НДФЛ формасы буенча) (гариза бирүче тарафыннан тәкъдим ителергә мөмкин);
- узган календарь ел һәм агымдагы календарь елныӊ узган хисап чоры өчен салым инспекциясе тамгасы белән декларация (эшмәкәр өчен), яки вменненный керем түләүгә күчкән эшмәкәрләр өчен вмененный керемгә салым түләү турында таныклык (соңгы 6 ай эчендә) (мөрәҗәгать итүче тарафыннан тәкъдим ителергә мөмкин);
студент билеты яки уку урынын раслаучы документ (укучылар өчен);
стипендия алу турында белешмә (студентлар өчен);
пособиеләр алу турында белешмә;
Россия Федерациясе субъекты ягыннан субсидияләр булган очракта - субсидияләүне гарантияләүче документлар;
милектә торак булу яки милекне алу буенча килешүләрне гамәлгә ашыру турында белешмә (күчемсез мөлкәткә хокукларның һәм аның белән алыш-бирешләрнең бердәм дәүләт реестрыннан) (мөрәҗәгать итүченең торак урынында яшәү урыны буенча теркәлгән барлык затларга, шул исәптән Россиянең башка төбәкләреннән – соңгы 5 ел эчендә) (мөрәҗәгать итүче тарафыннан тәкъдим ителергә мөмкин);
торак бинага һәм җиргә хокук бирүче документларның күчермәләре (торак бинага һәм җиргә милек турында таныклык, аренда килешүе, түләүсез файдалану килешүе, бүләк итү килешүе һ. б.) (гариза бирүче тарафыннан тапшырылырга мөмкин);
торак урынның (фатир) техник инвентаризация бюросы тарафыннан бирелгән техник паспорты, чиктәш бүлмәләрдә яшәүчеләрнеӊ исемлеге;
бу мәйдандагы барлык яшәүчеләрнеӊ паспорт мәгълүматлары (сериясе, номеры, кем тарафыннан һәм кайчан бирелгән), балигъ булмаган гаилә әгъзаларына – туу турында таныклык;
чакырылыш яшендәге ир атлар өчен хәрби билетның күчермәсе;
хезмәт стажын раслаучы хезмәт кенәгәсе күчермәсе (барлык битләр кадрлар бүлеге башлыгы белән расланган);
туганлык мөнәсәбәтләрен раслаучы документлар: никах (аерылышу) турында таныклык, бала туу турында таныклык, никах килешүе булу.
2. Яшәү өчен яраксыз торак бина биләгән гражданнар өчен:
әлеге исемлекнең 1 пунктында саналган документлар;
торак урынын яшәү өчен яраксыз дип тану турында хокукый акт.
3. Ташламалары булган гражданнар өчен:
әлеге исемлекнең 1 пунктында саналган документлар;
тиешле ташламаны билгели торган хокукый акт турында мәгълүматлар;
тиешле ташламаны раслаучы документлар: белешмәләр, таныклыклар;
әлеге хокукны исәпкә алып, чиратка кабул ителә торган затлар өчен өстәмә мәйданга хокук турында документлар.