ТАТАРСТАН РЕСПУБЛИКАСЫ

ТУКАЙ МУНИЦИПАЛЬ РАЙОНЫ БАШКАРМА КОМИТЕТЫ

КАРАР

12.03. 2020 ел                               Яр Чаллы                                    №795

Опекунлык советы турында нигезләмәне

 раслау хакында

Россия Федерациясенең 2008 елның 24 апрелендәге «Опека һәм попечительлек турында» 48-ФЗ номерлы Федераль законны, «Татарстан Республикасында муниципаль берәмлекләрнең җирле үзидарә органнарына опека һәм попечительлек өлкәсендә Татарстан Республикасының аерым дәүләт вәкаләтләрен бирү турында» 2008 елның 20 мартындагы 7-ТРЗ номерлы Татарстан Республикасы Законын һәм Тукай муниципаль районы балигъ булмаганнарының хокукларын һәм законлы мәнфәгатьләрен яклау буенча нәтиҗәле эшләү максатында,

КАРАР БИРӘ:

1. Тукай муниципаль районы Башкарма комитеты каршындагы опекунлык советы турында нигезләмәне кушымта нигезендә расларга.
2. Татарстан Республикасы Тукай муниципаль районының опека һәм попечительлек секторына 3 көн эчендә әлеге карарны Тукай муниципаль районы сайтында һәм Татарстан Республикасы рәсми  хокукый мәгълүмат порталында урнаштырырга.
3. Әлеге карар үтәлешен контрольдә тотуны үз җаваплылыгымда калдырам.

Башкарма комитет Җитәкчесе                                                        Л.Г. Авзалов

Татарстан Республикасы Тукай муниципаль районы Башкарма комитетыныӊ 2020 елныӊ ___ ___________ ____ санлы карарына 1 кушымта

Опекунлык советы турында нигезләмә

1. Гомуми нигезләмәләр

Тукай муниципаль районы Башкарма комитеты каршындагы опекунлык советы (алга таба - совет) коллегиаль орган булып тора, Тукай муниципаль районы территориясендә яшәүче балигъ булмаган, эшкә сәләтсез, эшкә сәләте чикләнгән гражданнарның хокукларын һәм гражданлык мәнфәгатьләрен яклау буенча опека һәм попечительлек эшчәнлеген оештыру һәм гамәлгә ашыру белән бәйле бәхәсле мәсьәләләрне хәл итү өчен төзелә. Совет коллегиаль орган булып тора, Тукай муниципаль районы территориясендә яшәүче балигъ булмаганнарның, эшкә сәләтсез, эшкә сәләте чикләнгән гражданнарның хокукларын һәм гражданлык мәнфәгатьләрен яклауга юнәлдерелгән тәкъдим итү карарларын кабул итә. Совет үз эшчәнлегендә Россия Федерациясе Конституциясе, Татарстан Республикасы Конституциясе, Россия Федерациясе һәм Татарстан Республикасы законнары һәм муниципаль берәмлекнең норматив-хокукый актлары, Тукай муниципаль районы Башкарма комитеты каршындагы опека һәм попечительлек секторы турында 2009 елның 20 июнендәге 2505 номерлы нигезләмә, Опекунлык советы турында әлеге нигезләмәгә таяна. Опекунлык советы үз эшчәнлегендә законлылык, коллегиальлек, хәбәрдарлык, максатчанлык принципларына таяна.

II. Опекунлык советының максаты

Опекунлык советы эшчәнлегенең максаты булып ятим балаларның һәм ата-ана каравыннан мәхрүм калган балаларның, шулай ук Тукай муниципаль районы территориясендә яшәүче балигъ булмаганнарның, эшкә сәләтсез, эшкә сәләте чикләнгән гражданнарның хокукларын һәм законлы мәнфәгатьләрен яклауны тәэмин итү тора.

III. Опекунлык советының бурычлары

1.  Тукай муниципаль районы территориясендә яшәүче балигъ булмаган, эшкә сәләтсез, эшкә сәләте чикләнгән гражданнарның шәхси һәм милек хокукларын һәм мәнфәгатьләрен яклау.
2. Тукай муниципаль районы территориясендә яшәүче, эшкә сәләтсез, эшкә сәләте чикләнгән  гражданнарның шәхси һәм милек хокукларын һәм мәнфәгатьләрен яклау һәм бозуларны  булдырмау буенча чаралар күрү.
3. Тукай муниципаль районы Башкарма комитеты каршындагы опека һәм попечительлек секторында исәптә торучы опекага алынган һәм опекун карамагындагы балаларның тормышы һәм карап тәрбияләү өчен оптималь шартлар булдыру.

IV. Опекунлык советының функцияләре һәм вәкаләтләре

Төп бурычлар нигезендә совет түбәндәге функцияләрне башкара:

         - опека һәм попечительлек секторына тәкъдимнәр бирә;

         - ата-аналарның гамьсезлеге аркасында балаларның тормышына һәм сәламәтлегенә куркыныч тудыручы йә аларның нормаль тәрбиясенә һәм үсешенә комачаулаучы шартлар тудырганда ата-ана хокукыннан мәхрүм ителмәгән ата-аналарга, медицина оешмаларында, социаль хезмәт күрсәтүче оешмаларда булган балаларны тәрбиягә бирү турында катлаулы сораулар мөнәсәбәтендә;

         - опекунга (попечительгә) берничә кандидат булганда, опекун (попечитель) сайлауга, опекуннарны (попечительләрне) үзләренә йөкләнгән бурычларны үтәүдән азат итүгә кагылышлы бәхәсле мәсьәләләр буенча;

         - Тукай муниципаль районы территориясендә теркәлгән һәм яшәүче балигъ булмаган, эшкә сәләтсез, эшкә сәләте чикләнгән гражданнарның мөлкәтен тартып алу белән бәйле килешүне гамәлгә ашыруга карата бәхәсле мәсьәләләр булганда;

         - опекага һәм попечительлеккә мохтаҗ балигъ булмаганнарны һәм опекага (попечительгә) кандидатларны опека һәм попечительлек органнарының бертөрле фикере булмаган очракларда урнаштыру формалары;

         - Тукай муниципаль районы территориясендә теркәлгән һәм яшәүче балигъ булмаганнарның, эшкә сәләтсез, эшкә сәләте чикләнгән гражданнарның торак һәм башка милек хокукларын яклауның катлаулы мәсьәләләренә кагылышлы материаллар;

         - гамәлдәге законнар белән опека һәм попечительлек органнары карамагына кертелгән һәм коллегиаль карап тикшерүне таләп итә торган  башка мәсьәләләр буенча тәкъдим итү карарларын кабул итә;

         - опекунлык советы опека һәм попечительлек мәсьәләләре буенча шикаятьләрне һәм дәгъваларны карый, аларны карау нәтиҗәләре буенча тәкъдимнәр әзерли.

V. Опекунлык советы хокуклы

- опекунлык советы утырышларына балаларны, ата-аналарны (законлы вәкилләрне), оешмаларның вазыйфаи затларын, шулай ук башка кызыксынган затларны чакырырга;

- балигъ булмаганнарның тәрбияләү шартларын, торак-көнкүреш шартларын тикшерү өчен  социаль, медицина, мәгариф оешмалары, торак фонды белән идарә итүче оешмалар хезмәткәрләрен җәлеп итәргә;

- ятим балаларга, ата-ана каравыннан мәхрүм калган балаларны тәрбияләү, укыту, карап тәрбияләү, аларга медицина хезмәте күрсәтүче оешмалар вәкилләрен тыңларга;

- Тукай муниципаль районы территориясендә теркәлгән һәм яшәүче балигъ булмаганнарның, эшкә сәләтсез, эшкә сәләте чикләнгән гражданнарның торак хокукларын яклау буенча телдән һәм язма гаризаларны һәм шикаятьләрне карарга;

- үз эшләрендә Тукай муниципаль районы территориясендә теркәлгән һәм яшәүче балигъ булмаганнарның, эшкә сәләтсез, эшкә сәләте чиккләнгән гражданнарның торагы (милеке) белән бәйле оешмаларга мөрәҗәгать итәргә.

VI. Опекунлык советы эшчәнлеген оештыру

Опекунлык советы Тукай муниципаль районы Башкарма комитеты Җитәкчесе карары буенча төзелә һәм үз эшчәнлеген туктата.

Опекунлык советы составына Тукай муниципаль районы Башкарма комитеты һәм аның органнары вәкилләре, Тукай муниципаль районы территориясендә теркәлгән һәм яшәүче балигъ булмаган, эшкә сәләтсез, эшкә сәләте чикләнгән гражданнарның законлы мәнфәгатьләрен яклау белән эшчәнлеге бәйле дәүләт, муниципаль, иҗтимагый оешмалар вәкилләре керә ала.

Опекунлык советының сан ягыннан һәм шәхси составы Тукай муниципаль районы Башкарма комитеты Җитәкчесе карары белән раслана. Опекунлык советы рәисе булып Тукай муниципаль районы Башкарма комитеты Җитәкчесе (алга таба -  рәис) тора. Совет рәисе урынбасары - Тукай муниципаль районы Башкарма комитеты Җитәкчесенең социаль мәсьәләләр буенча урынбасары (алга таба - совет рәисе урынбасары). Тукай муниципаль районы Башкарма комитеты каршындагы опека һәм попечительлек секторы мөдире опекунлык советы утырышларын оештыра һәм алып бара.

Опекунлык советы составын раслаганда, рәис урынбасарлары һәм опекунлык советы секретаре билгеләнә.

Опекун советы рәисе булмаганда, аның вәкаләтләрен рәис урынбасары башкара.

Утырыш опекунлык советының төп эш формасы булып тора.

Опекунлык советы секретаре көн тәртибен формалаштыра, утырыш беркетмәсен алып бара, опекунлык советы карарларын рәсмиләштерә, опекунлык советының датасы һәм вакыты турында хәбәр итә.

Көн тәртибе секторның, оешма вәкилләренең, опекуннарның һәм попечительләрнең опекунлык советына кергән язма мөрәҗәгатьләре нигезендә формалаша.

Опекунлык советы утырышлары  кирәк булган саен һәм материаллар кергәндә, әмма айга кимендә бер тапкыр үткәрелә. Опекунлык советы утырышларына кызыксынучы затлар чакырыла.

Опекунлык советы утырышы, әгәр анда аның составының яртысыннан да ким булмаган өлеше булса, тулы хокуклы санала.

Утырышларда опекунлык советы әгъзаларының катнашуы мәҗбүри. Опекунлык советы әгъзалары үз вәкаләтләрен башка затларга бирергә хокуклы түгел.

Опекунлык советы утырышлары беркетмә белән рәсмиләштерелә, аңа рәислек итүче һәм секретарь кул куя. Беркетмәдә опекунлык советы утырышының датасы, урыны, опекунлык советы әгъзаларының фикер алышына торган мәсьәләләр буенча фикере һәм опекунлык советының кабул ителгән карарлары чагылдырыла.

Опекунлык советы карарлары ачык тавыш бирү юлы белән утырышта катнашучы әгъзаларының күпчелек тавышы белән кабул ителә. Опекунлык советының һәр әгъзасы бер тавышка ия. Опекунлык советы әгъзаларының тавышлары тигез булганда, утырышта рәислек итүче тавышы хәлиткеч булып тора.

Опекунлык советы карарларына суд тәртибендә шикаять бирелергә мөмкин.

VII. Йомгаклау нигезләмәсе

Опекунлык советы Тукай муниципаль районы Башкарма комитеты органнары һәм структур бүлекчәләре, муниципаль учреждениеләр һәм төрле милек формасындагы предприятиеләр белән опекунлык советы компетенциясенә керүче мәсьәләләр буенча хезмәттәшлек итә.

Опекунлык советы эшчәнлеген  оештыру, мәгълүмати һәм матди-техник яктан Тукай муниципаль районы Башкарма комитеты тәэмин итә.