Киштәләрдә яңа китаплар
Агымдагы елда район китапханәләренә 1540 яңа китап кайтты. Нигездә бу иҗтимагыйсәяси, фәнни, техник, әдәби, сәнгать, телне өйрәнү юнәлешендәге басмалар һәм мәктәпкәчә, мәктәп яшендәге балалар өчен китаплар. Әйтеп үтелгән китапларның 736сы – урыс, 804е – татар телендә.
Авыл китапханәләрендә җирле бюджет хисабына 83 төрдәге (310 экземпляр) журнал һәм газеталарга еллык язылу эше башкарылган. Республика хисабына 164 комплект (1072 экземпляр) даими матбугат чараларына язылганнар.
Узган елда исә район китапханәләренә 3780 китап һәм даими матбугат чаралары кайткан. Аларның 835ен Татарстанның милли китапханәсе тапшырган. Татарстан китап нәшриятыннан – 1228, федераль хисаптан – 701, башка чыганаклардан – 444 китап кайткан. Урыс һәм татар телендәге басмалардан тыш, китап саклагычлары чуаш телендәге – 123, мордва телендә – 14, марий телендә – 17, инглиз телендәге 336 китап белән тулыланган.