Татарстан Республикасында минималь хезмәт хакы күләме турында Белешмәлек

Татарстан Республикасы Хезмәт, халыкны эш белән тәэмин итү һәм социаль яклау министрлыгы хәбәр иткәнчә, 2018 елның 1 маеннан «Хезмәткә түләүнең минималь күләме турында 2018 елның 7 мартындагы 41-ФЗ номерлы Федераль закон нигезендә«Федераль законның 1 статьясына үзгәреш кертү хакында» Россия Федерациясе территориясендә хезмәткә түләүнең минималь күләме аена 11 163 сум тәшкил итә.

Россия Федерациясе Хезмәт Кодексының 129, 133 статьялары нигезендә айлык хезмәт хакының гомуми суммасы (өстәмә түләүләр, премияләр һ.б. да кертеп) бу чорда тулысынча эшләгән һәм хезмәт нормаларын (хезмәт вазыйфаларын) үтәгән хезмәткәргә исәпләнгән айлык хезмәт хакының гомуми суммасы минималь хезмәт хакы күләменнән ким булмаска тиеш.

Шуңа бәйле рәвештә, әгәр дә эш вакытының айлык нормасын тулысынча эшләп бетергән очракта, хезмәткәрләрнең айлык хезмәт хакы дәрәҗәсе минималь хезмәт хакының билгеләнгән күләменә (аена 11 163 сум) ирешмәсә, эш бирүчеләргә аны күрсәтелгән зурлыкка җиткерүне тәэмин итәргә кирәк

. Минималь хезмәт хакын түләү буенча билгеләнгән дәүләт гарантиясен тәэмин итү өлешендә хезмәт законнарын бозуга юл куйган эш бирүчеләр административ хокук бозулар турында Россия Федерациясе Кодексының 5.27 статьясы нигезендә административ җаваплылыкка тартыла. Шуңа бәйле рәвештә, эш вакытының айлык нормасын тулысынча эшләп бетергән (хезмәт бурычларын үтәгән) очракта, хезмәткәрләр хезмәт хокукларын яклау һәм хокукый чаралар күрү максатларында Татарстан Республикасында Дәүләт Хезмәт инспекциясенә, шулай ук судка һәм прокуратура органнарына мөрәҗәгать итәргә хокуклы.