Җитмеш ел бергә бәхетле яшәүнең сере нидә?

2019 елның 17 мае, җомга

Халыкара Гаилә көне 1993 елдан билгеләп үтелә. Гаилә – җәмгыятьнең төп элементы, кешелек кыйммәтләрен саклаучы. Әлеге дата уңаеннан безнең районда да һәр елны иң лаеклы гаиләләр зурлана. Бу юлы ЗАГС хезмәткәрләре Биклән авылында яшәүче сугыш ветераны Миңнәхмәт Гайсин һәм аның тормыш иптәше Галиябикә апаларга чыктылар. Бу соклангыч пар инде 70 ел бергә гомер кичерә. Уйлап карасаң, үзе бер кеше гомере! Кичерәләр дип әйтү генә аз, аларның тормыш юлы салмак кына аккан елгаларга тиң түгел шул... Бүгенге бәхетле картлыкларына кадәр аларга утка керергә дә, кайгы дәрьяларын кичәргә дә, тормышның ачысын-төчесен татырга да туры килгән.""Якты юл"