Район хуҗалыкларында кыр эшлэре торышы

2019 елның 29 июле, дүшәмбе

Тукай муниципаль районы буенча 29.07.2019 елга: печән - 12772 тонна, сенаж - 41477 тонна, яфрак азык - 80 тонна, силос -10 тонна әзерләнгән. Барлыгы 194741 цн әзерләнгән, бер баш шартлы терлеккә 12,5 центнер азык берәмлеге туры килә.

Хуҗалыклар көзге бөртекле культураларны җыюга керештеләр.Барлыгы :529 га чабылган ,208 га суктырылган,  җыеп алынган  ашлык -668 тонна, уңыш-32,1 ц\га.

  Кышкы чорга азык әзерләү белән беррәттән, көзге культураларны чәчү өчен җир эшкәртү эшләре бара.  Шулай ук пар җирләрен эшкәртү дәвам итә.Туфракны көзге культуралар чәчүгә әзерләү дәвам итә. Барлыгы 6404 га җир эшкәртелгән.