Район эшкуарлары бизнес-климатны яхшырту турында сөйләшәчәк
16 август көнне эшмәкәрлек буенча Совет Тукай районында район башлыгы Фаил Камаев һәм эшмәкәрләр катнашында стратегик сессия уздырачак.
Фикер алышуга хакимият органнары һәм контроль-күзәтчелек органнары вәкилләре дә кушылачак. Стратегик сессия барышында катнашучылар бизнесның төрле өлкәләрендә – сәүдә, хезмәт күрсәтү, җитештерү, авыл хуҗалыгы, транспорт һ.б. тармакларда проблемаларны анализлаячаклар.
Әлеге сессия районда эшлекле активлыкны оештыру буенча республика системасын гамәлгә кертү кысаларында үткәрелә. Аның максаты – ТР муниципалитетларында бизнес-активлыкны арттыру һәм эшлекле климатны яхшырту.
Очрашу нәтиҗәләре буенча катнашучылар районда эшлекле климатны һәм бизнес-мохитне яхшырту буенча гамәлләр планын әзерләячәкләр.
Чыганак:"Якты юл" газетасы