В малой картинной галерее состоялось открытие региональной художественной выставки "Украшение души моего народа",

15 августта кече картиналар галереясендә" Халкымның күңелен бизәү"дип аталган төбәк сәнгать күргәзмәсе ачылды ,ул Татарстан Республикасы көненә һәм Яр Чаллы шәһәре Көненә багышланган иде.

Чарада  Яр Чаллы, Алабуга, Түбән Кама, Болгар һәм Тукай районыннан 14 яшь рәссам берләште. Һәр рәссам үз иҗатында үзенчәлекле һәм уникаль, төрле техникаларда иҗат итә: рәсем сәнгате, графика, батик, шамаил, катнаш техника. Күргәзмәнең бер өлеше декоратив-гамәли сәнгать эшләнмәләре. Барлык осталарның да уртак эшчәнлек ноктасы-тәкъдим ителгән эшләрнең милли колориты.

Галерея җитәкчесе Наилә Гыйльметдинова сәламләү сүзеннән соң, күргәзмәне оештыручы - Тукай районы балалар сәнгать мәктәбе укытучысы, рәссам Салихова Ләйсән чыгыш ясады.   Ул күргәзмә идеясенең барлыкка килүе, аның тематикасы турында сөйләде, күп эшләр тәкъдим итте. Шулай ук Кама аръягының яшь рәссамнарының иҗат берләшмәсе рәисе Марина Симонова, Тукай районының балалар сәнгать мәктәбе директоры Юлия Галишина һәм күргәзмәдә катнашучы рәссамнар да сүз алды.

Ачылышта ТР Тукай районының "Мирас" сәнгать мәктәбе һәм "Гослэкэй"фольклор ансамбле укытучылары инструменталь ансамбле башкаруында татар җырлары һәм композицияләре яңгырады.

Күргәзмә 6 сентябрьгә кадәр эшләячәк.