"Җиңү өчен Рәхмәт сезгә, Солдатлар » Икенче бөтендөнья сугышы тәмамлануга багышланган митинг
"Җиңү өчен Рәхмәт сезгә, Солдатлар » Икенче бөтендөнья сугышы тәмамлануга багышланган митинг
2 сентябрьдә Икенче бөтендөнья сугышы тәмамлану көне билгеләп үтелә-74 ел элек Япониянең тулы капитуляциясе турындагы актка кул куелган иде. Тарихта иң каты сугыш тәмамлана, ул 65 миллионнан артык кешенең үлеменә сәбәп була. Безнең барыбыз өчен дә бу дата - сугыш елларындагы куркыныч вакыйгаларны искә төшерү, тарих дәресләреннән мөһим һәм кирәкле нәтиҗәләр ясау өчен тагын бер сәбәп. 2019 елның 2 сентябрендә, Бөек Ватан сугышы елларында һәлак булган авылдашларына куелган «Беркем дә, бернәрсә дә онытылмаган» һәйкәле янында, Икенче бөтендөнья сугышы тәмамланган көнгә багышланган « Җиңү өчен рәхмәт Сезгә, Солдатлар » дип исемләнгән митинг узды. Митингта «Лебедушка» балалар бакчасында тәрбияләнүчеләр, шулай ук тыл хезмәтчәннәре һәм сугыш чоры балалары катнашты. Катнашучылар алдында Кенәз авыл җирлеге депутаты Тамара Егоровна Тузеева, хезмәт ветераны Александр Николаевич Волков чыгыш ясадылар. Алар җыелучыларны Икенче бөтендөнья сугышы тәмамлану белән котладылар һәм ул чордагы куркыныч вакыйгалар турында искә төшерделәр. Митингта катнашучылар һәлак булган геройларны бер минут тынлык белән искә алдылар һәм Мәңгелек утка чәчәкләр салдылар. Икенче бөтендөнья сугышы тәмамлануга 74 ел узса да, аның кайтавазы әле дә тынмый. Безнең бурыч-өлкән буынның батырлыгы турындагы истәлекләрне саклап калу, тарихи дөреслекне яклау.
Тамара Тузеева, Кенәз мәдәният йорты директоры