Тукай районы бөртекле культуралар җыю буенча лидерлар сафына керде
Тукай районы Татарстанда уңыш җыю буенча лидерлар өчлегенә керде. 10 сентябрьгә район кырларында барлыгы 141,1 мең тонна ашлык суктырылган. Бер гектарга уртача уңыш 39,6 центнер тәшкил итә, республика дәрәҗәсендә-30 ц/га. Бу күрсәткеч Зәй муниципалитетыннан соң икенче булды, дип хәбәр итә Татарстан Республикасы Авыл хуҗалыгы һәм азык-төлек министрлыгы Уңдырышлылык буенча лидерлар арасында Мамадыш районы – 39,5 ц/га, Актаныш районы – 39 ц/га, Минзәлә районы – 38,1 ц/га, Тәтеш районы-37,2 ц/га. Тукай районында барлыгы 43,4 мең гектарның 18 процентын гына (7,7 мең гектар) эшкәртеп бетерәсе калган. Гомумән республика буенча 1 млн.345,9 мең га мәйданда ашлык суктырылган, бу барлык урып-җыю мәйданнарының 95% ын тәшкил итә. Республикада бөртеклеләрнең тулай җыемы 4 млн. тоннадан артып китте. Моннан тыш, Тукай районында шикәр чөгендере уңышы-474 ц/га, бәрәңге-276 ц/га.
-
Фото: bastion.tv
-