«Патриот» хәрби дан музеенда Кенәз мәдәният йорты хезмәткәрләре 5 декабрь - Совет гаскәрләренең Мәскәү янындагы контр һөҗүменә багышланган «Утлы чикләрдә» батырлык дәресе үткәрделәр. Мәдәният йорты хезмәткәрләре балаларга 1941-42 елларда Мәскәү янындагы сугышның әһәмияте һәм генерал И.В. Панфилов җитәкчелегендәге 316 нчы укчылар дивизиясе геройлары турында сөйләделәр. Немецлар һөҗүме Мәскәүне саклаучыларның көчле каршылыгына очрый. Безнекеләр "Чигенергә урын юк, артта - Мәскәү" лозунгы астында көрәшә.