20.12.2012 елда “Биклән урта гомуми белем мәктәбе” муниципаль бюджет гомуми белем бирү учреждениесендә математика, физика һәм информатика укытучыларының семинары булды

Математика һәм информатика укытучылары 5 класста “Мәйданнар. Күләмнәр” темасына багышланган математика дәресен карадылар. Дәресне югары квалификацияле математика укытучысы Исмагилова Тәслимә Тагировна уздырды.

Физика укытучылары 8 класста “Атом төзелеше” темасына багышланган физика дәресен карадылар. Дәресне физика укытучысы Якупов Ренат Накипович үткәрде. Дәрестән соң киңәшмә өлеше булды. Уку-тәрбия эше буенча мәктәп директоры урынбасары Ахметзянова Р.Г. мәктәп эшенең тәртибе белән таныштырды, педагогия коллективын ипле, тәҗрибәле итеп характерлап бирде.

Математика укытучысы, яшь белгеч Сайфутдинов Азат Габдулкаюмович табигый-математикалы фәннәренә укыту процессында Линукс ОС куллану турында сөйләде.

Математика укытучысы Исмагилова Т.Т. Inter Write интерактив такта эше белән һәм аны математика дәресләрендә куллану мөмкинлекләре белән таныштырды.