Балигъ булмаганнар белән эшләү комиссиясенә - 95 ел
Төрле оешмалар белән нәтиҗәле бәйләнешкә кереп балигъ булмаганнар һәм яшүсмерләр арасында максатчан эш алып барыла. Моның уңай нәтиҗәләре бар. Әгәр 2008 елда яшүсмерләр 32 җинаять кылган булса, 2004 елда – 14, 2010да – 12, 2011дә – 6, 2012 елда 3кә төште. Бу саннар артында – 12 кешелек комиссиянең, эчке эшләр бүлеге, мәгариф, сәламәтлек саклау, мәдәният, социаль яклау, яшьләр һәм спорт, опека һәм тәрбия эшләре бүлекләренең актив эшчәнлеге. Дин, җәмәгать, яшьләр оешмалары, авыл җирлекләре бала һәм гаилә мәьәләләренә гаять игътибарлы, һәр кешегә якын килеп, өйрәнеп эшлиләр.Комиссия утырышлары ике атнага бер тапкыр үтә. Урыннарга чыгып тикшерүләр уздырыла. Мәсьәлә шунда ук озакка сузмыйча хәл ителә.
Шунысын әйтәсе килә, комиссиянең максаты – җәзалау түгел, бәлки балигъ булмаган балаларның законлы хокукларын яклау.
Ата-ана хокукыннан мәхрүм итү - бик зур җәза.Үзләренең балигъ булмаган балаларын тәрбияләүдән читләшкән ата-аналарга карата үз хокукларыннан мәхрүм итү яисә хокукларын вакытлыча чикләү турындагы документлар комиссия аша уза һәм судка тапшырыла. 2008 елда – 5, 2010 – 7, 2011 – 5, 2012 елда 6 ата-ана хокукларыннан мәхрүм ителде, балалары аерым гаиләләргә, балалар йортларына тәрбиягә бирелде.
Социаль контракт нигезендә аз керемле гаиләләргә даими ярдәм күрсәтелә. Мәктәптә балаларын тукландыру чыгымын дәүләт үз өстенә ала. “Мәктәпкә җыенырга ярдәм ит” акциясендә балигъ булмаган балаларга йөзләрчә мең сумлык уку әсбаплары тапшырылды. Яшүсмерләрне каникул вакытында эшкә урнаштыруга, физкультура-спорт секцияләрендә шөгыльләнүгә, экскурсия-походларга катнаштыруга зур әһәмият бирелә. Мондый чаралар балигъ булмаган балалар җинаятен булдырмаска ярдәм итә.
Балигъ булмаган балалар арасында җинаять эшләрен кисәтү һәм булдырмау максатыннан һәр авыл җирлекләре белән дә тыгыз бәйләнештә эш бара. Аеруча Кнәз, Кече Шилнә, Бәтке, Борды, Иштирәк, Биклән авыл җирлекләренең актив эшчәнлеген билгеләп үтәсе килә.
Якты юл