19 гыйнварда Яңа поселогында егерме сигезенче тапкыр якташыбыз, Советлар Союзы Герое Нурми Шәрипов призына чаңгы ярышлары үтте

Анда 16 урта мәктәп, 6 авыл җирлеге командасы – барлыгы 107 чаңгычы катнашты. Ул быел Универсиаданы каршылап дигән шигарь астында узды. Бу зур чарага нибары 163 көн калып бара.
Нәтиҗәләргә килгәндә, мәктәп командлары арасында Калмаш мәктәбе – беренче, Яңа поселоклылар – икенче, Мәләкәс укучылары өченче урынны яулады. Авыл җирлекләре командалары арасында Әҗмәкәй командасы җиңде, Калмаш җирлеге – икенче, Шилнебаш командасы өченче урынга чыкты. Җиңүчеләргә район яшьләр эшләре, спорт һәм туризм бүлеге әзерләгән Мактау кәгазьләре, медальләр, Нурми Шәрипов исемендәге фонд кубоклары тапшырылды.

Якты юл