Яр Чаллы шахмат-шашка клубында ТРның атказанган физкультура хезмәткәре Т.Бәхтегәрәев призына шахмат һәм шашка ярышлары үтте

Яр Чаллы шахмат-шашка клубында ТРның атказанган физкультура хезмәткәре Т.Бәхтегәрәев призына укучы балалар, укытучылар, инвалидлар һәм ветераннар арасында шахмат һәм шашка ярышлары үтте. Бәйгегә районның 14 мәктәбеннән 90 кеше килде. Шашка буенча Мусабай Завод мәктәбе – беренче, Сәмәкәй мәктәбе – икенче, Кече Шилнә мәктәбе өченче урынга чыкты. Шахмат буенча беренче урында шулай ук Мусабай Завод мәктәбе, икенчедә – бикләнлеләр, өченче урында кечешилнәлеләр. Тәлгать Бәхтегәрәев иң яшь катнашучыларны – Бордыдан Наталья Утяшова һәм Валерий Черновны да бүләкләде.