Балалар “Балкыш”та катнашырга әзерләнә

Быел балалар арасында үткәрелә торган “Балкыш” иҗат фестивале экологик культура һәм әйләнә-тирә мохитне саклау елына багышланачак. Фестивальдә коллектив белән дә, 3,5-18 яшьлек аерым башкаручыларга да катнашырга була. Конкурс дүрт яшь категориясенә бүлеп үткәрелә, программа “Вокал”, Хореография”, “Инструменталь музыка”, “Фольклор” номинацияләрен үз эченә ала. Һәр чыгыш фестивальнең төп темасын яктыртырга тиеш. Чараның беренче этабы 17 гыйнвардан 17 февральгә кадәр мәктәпләрдә, икенче этабы 18 февральдән 27сенә кустларда үтәчәк. Ә өченче этап – район этабы 20 март көнне гала-концерт рәвешендә узачак. Җиңүчене “Балкыш йолдызы” дигән гран-при, район Башкарма комитеты грамотасы һәм кыйммәтле бүләк көтә. Шулай ук һәр номинациядә, һәр яшь категориясендә җиңүчеләргә дипломнар биреләчәк.


Якты юл