2013 елның 23 февралендә Круглое Поле посёлогының хоккей кортында ирләр командалары арасында Ватанны яклаучылар көненә багышланган шайба белән хоккей буенча район Чемпионаты узды

Ярыш атмосферасы, спорт көрәшенә һәм киеренкелеккә карамастан, бик җылы иде. Киеренке уеннан соң урыннар түбәндәгечә бүленде:

1 нче урын – Түбән Суыксу авыл җирлеге;

2 нче урын – Мәләкәс авыл җирлеге;

3 нче урын – Круглое Поле авыл җирлеге;

4 нче урын – Бәтке авыл җирлеге.

Җиңгән команда кубок белән бүләкләнде һәм Круглое Поле авыл җирлеге башлыгы Э.Р. Низамиева барлык командаларга Чемпионатта актив катнашкан өчен кыйммәтле бүләкләр тапшырды.

Иң яхшы спортчыларга – капкачы, сакчы һәм һөҗүм итүчегә истәлекле бүләкләр тапшырылды.

ТР Тукай районы Башкарма комитетының яшьләр эшләре, спорт һәм туризм бүлеге