Инвалидлар декадасы кысаларында "Күңел яктысы "дигән V сәнгать иҗаты фестивале узды
Инвалидлар декадасы кысаларында Кнәз мәдәният йортында 2020 елның 6 декабрендә Инвалидлар арасында «Күңел яктысы»дип исемләнгән V сәнгать иҗаты фестивале үткәрелде. Авыл җирлегенең инвалидлар советы рәисе Самойлов Александр Николаевич чын күңелдән мөмкинлекләре чикләнгән кешеләрне бәйрәм белән котлады. Физик мөмкинлекләре чикләнгән кешеләр адресына теләкләр белән авыл җирлеге депутаты Тамара Егоровна Тузеева, хезмәт ветераны Александр Николаевич Волков чыгыш ясадылар. Алар барысына да нык сәламәтлек һәм иминлек теләделәр.
Мөмкинлекләре чикле кешеләр үзләренең иҗади осталыкларын күрсәттеләр. «Барысы да ветераннар белә»дигән кул эшләре күргәзмәсе оештырылды. Халык гамәли иҗаты күргәзмәсе осталыкның югары дәрәҗәдә булуын, кызыклы иҗади идеяләрне һәм аларны һөнәри яктан тормышка ашыруны күрсәтте.
Фестивальдә катнашучыларның чыгышы бик төрле иде. Бәйрәм бик күңелле үтте. Фестиваль ахырында барлык катнашучыларны сәхнәгә чакырдылар һәм аларга бүләкләр тапшырдылар, ә соңыннан чәй өстәле артына чакырдылар.
Княз авыл мәдәният йорты хезмәткәрләре, Княз авыл җирлегенең ветераннар һәм инвалидлар Советы исеменнән КФХ җитәкчесе Таһир Нурулла улы Харматуллинга, шәхси эшмәкәр Нуршед Муродовка, шәхси эшмәкәр Руслан Шәйгардановка инвалидлар сәнгать иҗаты фестивален уздыруда ярдәм күрсәткәннәре өчен зур рәхмәт сүзләрен җиткерә,Кнәз мәдәният йорты директоры Тамара Тузеева