Ветеран үзенең 99 яшьлек туган көнен билгеләп үтте. 

2020 елның 15 декабре, сишәмбе

Бөек Ватан сугышы ветераны  Добринина Ульяна Ивановнаны  үзенең 99 яшьлек туган көнен билгеләп үтте.    Аны котларга Тукай муниципаль районы Башкарма комитеты җитәкчесенең социаль мәсьәләләр буенча урынбасары И .Ш. Бариев һәм район ветераннар советы рәисе Г. с. Зарипов килде.  Ульяна Ивановна 1921 елның 15 декабрендә туган, Новый бистәсендә яши.Аңа Россия Президенты В.Путин исеменнән котлау открыткасы һәм истәлекле бүләкләр тапшырдылар, сәламәтлек, озын гомер һәм күңел күтәренкелеге теләделәр.