Әлфия Когогина Түбән Суыксу мәктәбе укучылары өчен дәүләт идарәсе турында дәрес үткәрде.

2021 елның 5 апреле, дүшәмбе

Россия Федерациясе Дәүләт Думасы депутаты, икътисад, сәнәгать, инновацион үсеш һәм эшкуарлык комитеты рәисе урынбасары Әлфия Когогина төбәк атнасы барышында Татарстан Республикасының Тукай районында булды.

Визит кысаларында парламентарий педагоглар белән очрашты, мәгариф хезмәткәрләренә ярдәм итү мәсьәләләре буенча фикер алышты, кайнар ризык белән тәэмин итүне оештыру белән танышты, шулай ук Түбән Суыксу мәктәбенең өлкән сыйныф укучылары өчен дәүләт идарәсе турында дәрес үткәрде. "Җитди темага карамастан, балалар белән кызыклы әңгәмә булды, алар уйлыйлар, сораулар бирәләр, фикерләре белән уртаклашалар. Һәм миңа парламент дәресләрен үткәрү кебек мөмкинлектән округ педагоглары һәм яшьләре белән очрашу өчен файдалану бик күңелле", - диде депутат.

Очрашу барышында Әлфия Когогина укучыларны 29 апрельдә узачак «Җиңү диктанты» Бөтенроссия патриотик акциясендә катнашырга чакырды. «Без балалар белән ел саен» Җиңү диктанты» нда катнашабыз һәм сезне минем үрнәгемә иярергә чакырам", - дип мөрәҗәгать итте депутат укучыларга.