Тукай районы форпост активистлары түбәндәге спорт төрләре буенча шәхси беренчелекләрдә призлы урыннар яуладылар

2021 елның 4 маенда Яр Чаллы шәһәрендә җәмәгать тәртибен саклау буенча «Форпост»яшьләр формированиеләренең республика спартакиадасының зона этабы узды. Анда якындагы сигез муниципаль районнан командалар катнашты.

Тукай районы форпост активистлары түбәндәге спорт төрләре буенча шәхси беренчелекләрдә призлы урыннар яуладылар:

Скотникова Олеся кызлар арасында 100 метрга йөгерү буенча 3 нче урынны һәм кызлар арасында пневматик винтовкадан ату буенча 2 нче урынны алды.

Егетләр арасында 100 метрга йөгерү буенча Айнур Мансуров 1 урын алды. Гарифуллин Артур егетләр арасында пневматик винтовкадан ату буенча 1 урынны һәм егетләр арасында Ак - 74М араны сүтү-җыю буенча 1 урынны алды.