«Хәтер көне – Ак торналар көне»дип исемләнгән митинг узды.
Бүген, 2021 елның 22 октябрендә, Ак торналар көнен бәйрәм итү кысаларында,Кнәз авылының «Беркем дә онытылмады, бернәрсә дә онытылмады» һәйкәле янында «Хәтер көне – Ак торналар көне»дип исемләнгән митинг узды. Чараның максаты-сугышларда һәлак булган барлык кешеләр турында искә төшерү, шулай ук үсеп килүче буынга без бер-беребезне хөрмәт итәргә, милли мәдәниятләрне һәм дини карашларны хөрмәт итәргә тиешбез, терроризмга каршы тору өчен без бердәм булырга тиеш, дигән фикерне җиткерү.
Митингта авыл җирлегенең тыл хезмәтчәннәре, ветераннар Советы, Әфганстанда, Чечняда, Таҗикстанда хәрби бурычларын үтәгәндә һәлак булган солдатларның әти-әниләре, мәдәният йорты хезмәткәрләре, Княз мәктәбенең 4 сыйныф укучылары, «Родина»патриотик клубы әгъзалары катнашты. Кнәз авыл җирлегендә яшәүчеләр һәм сугыш хәрәкәтләрендә һәлак булган солдатларның әти-әниләре адресына кайгы сүзләре белән ветераннар советы рәисе Мәдинә Хәйбрахман кызы Сабирова, авыл җирлеге депутаты Тамара Егоровна Тузеева чыгыш ясадылар. Соңыннан һәлак булган барлык геройларны бер минут тынлык белән искә алдылар. Ак торналар- акциянең кульминацион мизгеле булды, аларны «Ватан» патриотик клубы әгъзалары, техниканы оригами кулланып, үз куллары белән ясадылар.