Хөкем бинасында үткән дәрес
Узган атнада Новотроицк мәктәбенең 9 нчы сыйныф укучылары районның Гадел хөкем йортында, суд бинасында булдылар. Экскурсиянең максаты-суд системасы эше белән танышу, юридик белемне арттыру, законнарга хөрмәт тәрбияләү.
Балалар суд бинасына сак хезмәте хезмәткәрләренең җентекле тикшерүе аша уздылар. Тикшерү пункты заманча техника белән җиһазландырылган. Бу мөһим һәм җаваплы, ашыгыч реакция таләп итә торган хезмәт.
Укучыларны суд утырышлары зур залына озаттылар. Суд рәисе Радик Зиннәтов баларга файдалы һәм кызык булган сөйләшү темасын игълан итте. Радик Фәритович үзенең мавыктыргыч итеп сөйләү сәләте, аңлаешлы теле, киң эрудициясе, профессионализмы белән аудиторияне җәлеп итә алды, яшүсмерләр озак вакыт судьяны «җибәрергә» теләмәделәр, аңа туктаусыз сораулар яудырдылар.
Тулырак: http://tukai-rt.ru/news/yanjaliklar/xokem-binasynda-utkan-dares