Гөлнара Габдрахманова: «Тукайлылардан күпләр көнләшергә мөмкин»
Яңа поселогы мәдәният йортында Татарстан муниципаль архивларының зона киңәшмәсе булды, ул видеоконференцэлемтә режимында республиканың барлык районнарына трансляцияләнде. Киңәшмә эшенә Татарстан Республикасы Дәүләт архив эше комитеты рәисе Гөлнара Габдрахманова җитәкчелек итте.
Район башлыгы Фаил Камаев Кама аръягы муниципаль хакимият органнары архивчылары алдында сәламләү сүзе белән чыгыш ясады. Ул кыскача гына безнең район казанышларын, аның уникальлеген һәм үсеш перспективаларын билгеләп үтте.
– 2017 елда Тукай районында 39500 кеше яшәгән, ә бу ел башына инде – 46700. Район үсә, тиз темплар белән үсә, яңа эш урыннары булдырыла. Биш авыл җирлегендә 3-15 мең кеше яши. Муниципалитетның уңышлы үсеше турында ел саен беренче сыйныф укучылары саны 400дән артып китте. Боларның барысы да ведомство һәм муниципаль архивларга зур ихтыяҗ булуын дәлилли, - диде Фаил Мисбах улы.
- Тукай районы барлык өлкәләрдә дә алдынгы район булып тора, яңа бистәнең истәлекле урыннарын карау онытылмаслык тәэсир калдырды. Ышанам ки,әлеге торак пункт Россиядә инфраструктураны үстерү дәрәҗәсе буенча бердәнбер. Ә Нефтебаза бистәсендәге архив комплексына 1500 квадрат метр мәйданда урнашкан күп кенә муниципалитетлар көнләшә ала, - диде Гөлнара Габдрахманова.
Аннары архивчылар агымдагы елның 10 аенда башкарган эшләре турында хисап тоттылар, тәҗрибә уртаклаштылар. Пленар өлештән соң 17 район Башкарма комитет бүлекләре башлыклары Тукай районының Нефтебаза бистәсендәге архив бүлегендә булдылар, анда килүчеләр һәм саклау хезмәткәрләре өчен заманча учреждениеләргә куелган шартларда документлар кабул итү һәм архив чыганакларыннан мәгълүматлар бирү мисалы белән таныштылар.
Марина Романова, Әгерҗе районы Башкарма комитетының архив бүлеге начальнигы:
- Сезнең райондагы архив бездәгедән ун тапкыр күбрәк мәйданны били. Тукай архивында документларны саклау, комплектлау, исәпкә алу һәм куллануны гамәлгә ашыручы заманча учреждениеләргә куела торган барлык нормалар һәм катгый таләпләр генә үтәлми, барысы да акыл белән эшләнгән. Мөмкинлекләре чикләнгән кешеләргә дә уңайлыклар бар, «яшь архивчы» проекты кысаларында мәктәп укучылары белән тематик чаралар үткәрү бүлмәләре, аерым сервер бүлмәсе, документларны цифрлаштыру өчен бина, конференц-зал, тугыз архив залы эшли.
Айгөл Галимҗанова, Актаныш районы Башкарма комитетының архив бүлеге начальнигы:
-Соңгы тапкыр Тукай районында дүрт ел элек булдым. Искиткеч үзгәрешләр бар. Барлык таләпләргә җавап бирүче яңа бина республика һәм район җитәкчелеге тарафыннан архив эшенә зур игътибар бирелүен күрсәтә. Комплексның беренче катына муниципаль архив, икенчесенә – ведомство өчен билгеләнгән. Бу архивчыларның үзләре өчен дә, кирәкле белешмәләрне эзләүчеләр өчен дә зур уңайлык.
Яңа бистә мәдәният йорты фойесында күренекле якташларга, районнан чыккан талантларга, шулай ук бүген Тукай районы үсешенә зур өлеш кертүче хезмәт кешеләренә багышланган бай экспозиция тәкъдим ителде. Күренекле татар җырчысы Илһам Шакиров, меценат Хәлфиннар нәселенә, Советлар Союзы Герое Нурмый Шәриповка, шагыйрь Фәннур Сафинга, танылган тимерчеләр Щербаковларга, граф Татищевларга, «Гигант» хуҗалыгы җитәкчесе Риф Имамовка багышланган музей экспонатлары белән тулыландырылган стендлар беркемне дә битараф калдырмагандыр мөгаен.
