Калмия авылында Заһир Вилданов хуҗалыгы базасында семинар оештырылды. Мондый укыту һәм күрсәтмә чаралар безнең Тукай җирендә традициягә әйләнде. Семинарга эре һәм вак аграр предприятиеләр җитәкчеләре, районның авыл хуҗалыгы һәм азык-төлек идарәсе, ветеринария хезмәте, орлык инспекциясе белгечләре җыелды. Район башлыгы Фаил Камаев, чараны ачып, авыл хуҗалыгы җитештерүенең продуктлылыгын, аның рентабельлеген, конкурентлыкка сәләтлелеген арттыруда мондый семинарларның мөһимлеген билгеләп үтте.