" Ел хатын-кызы. Ел ир-аты: хатын-кыз карашы.» бәйгесендә җиңүчеләр

2023 елның 2 феврале, пәнҗешәмбе

«Энергетик» мәдәният сараенда " Ел хатын-кызы. Ел ир-аты: хатын-кыз карашы.»дигән бәйгенең төбәк-ара этабы узды .

Конкурсның максаты-республиканың социаль-икътисадый үсешенә, мәдәнияткә, рухилыкка ярдәм итүгә, үсеп килүче буынны тәрбияләүгә, гаилә институтын ныгытуга зур өлеш керткән хатын-кызларны ачыклау һәм җәмгыятькә тәкъдим итү.

Быел әлеге дәрәҗәле конкурска 21 заявка бирелгән, 13 катнашучы финалга чыккан. Конкурсантлар визит карточкалары әзерләделәр, хезмәт казанышлары, хатын-кызларның гаилә һәм рухи-әхлакый кыйммәтләре исәпкә алынды.

• «Хатын-кыз-ана» номинациясендә күп балалы әни, Круглое Поле мәктәбенең математика укытучысы Светлана Рогова җиңүче булды. «Гиндукуш " хәрби дан музее директоры Резеда Гарипова «Хатын – кыз-мәдәният һәм рухилык»номинациясендә җиңде. «Минем язмышым – минем һөнәрем» номинациясендә республика конкурсының финалына «Шәфкать» үзәге социаль хезмәткәре Айгөл Шабакаева, «Хатын – кыз – лидер» номинациясендә Иштирәк авыл җирлеге башлыгы Гөлнара Гарифуллина, «Хатын – кыз – ел үрнәге» номинациясендә Теләнче-Тамак интернат-мәктәбе директоры Ләйсән Шамилова чыкты. Зона этабында җиңүчеләр Казанда узачак конкурс финалында безнең районны тәкъдим итәчәк.