Ил куәте – икмәктә!

2023 елның 4 августы, җомга

Районыбыз хуҗалыкларында көзге урып-җыю кампаниясе кызу темплар белән бара. Быел, һава торышы белән бәйле сәбәпләр аркасында, башка елларга караганда атна-ун көн алдан уракка төшелде. Яңгырлар сирәк яуса да, уңыш, елына карата начар түгел. Аграрийлар, ел әйләнәсенә күп хезмәт куеп табылган уңышның бөртеген дә әрәмшәрәм итмичә җыеп алу өчен барлык мөмкинлекләрне дә куллана.

Аграрийлар өчен ел фасылларының һәрберсе әһәмиятле. Ә урак өсте – аеруча дулкынландыргыч чор, игенченең имтихан вакыты. Булган уңышны үзвакытында һәм югалтуларсыз җыеп алырга язсын. Бәрәкәтле ашлык булсын!