Балаларның юлларда хәвеф-хәтәрсез йөрү кагыйдәләрен саклау максатында 21 августтан 10 сентябрьгә кадәр Татарстанда “Игътибар - балалар!” дигән профилактик чара үткәрелә
1 сентябрьдән юл-патруль хезмәте постлары белем бирү оешмаларына якын киләчәк. Мәктәп автобусларының техник торышына аерым игътибар биреләчәк. Дәүләт автоинспекциясе машина йөртүчеләрне чакыра: - тизлек режимын, бигрәк тә балалар учреждениеләре янында һәм җәяүлеләр кичүендә, сакларга; - куркынычсызлык каешын эләктерергә һәм балаларны бары тик автокреслоларда гына йөртергә. Хөрмәтле әти-әниләр! Көн саен балага юлларның хаталарны кичермәвен аңлатыгыз. Шәхси мисал итеп аңа юл йөрү кагыйдәләрен төгәл үтәүне күрсәтегез. Бала белән «Өй - мәктәп - йорт» имин маршрутын өйрәнегез, бу юлны бергә йөрегез. Ата-аналарның аерым игътибары - бу баланың автомототранспорт ачкычларын контрольсез үзләштерүенә юл куймау. Озын каникул чорында балаларны караучысыз калдырмагыз, һәрвакыт балагызның кайда икәнен белегез! Хөрмәтле юл хәрәкәтендә катнашучылар! Игътибарлы һәм сак булыгыз!