29 август көнне, һәр елдагыча, бордылылар авыл бәйрәменә әйләнгән дини йолаларның берсен – өченче Спасны бәйрәм итте. Ул көнне авылның келәү йорты янына бордылылар белән бергә шәһәрдән махсус кайтучылар, күрше-тирә авыллардан килүчеләр дә җыелды. Бәйрәмгә Яр Чаллының Сидоровка бистәсеннән Сергей атакай чакырылган иде. Ул келәү уку йоласын башкарды, тиздән Белем бәйрәме якынлашуын истә тотып, атакай балаларга үгет-нәсыйхәтләрен дә җиткерде.