Хатын-кызлар көне алдыннан «Энергетик» мәдәният йортында гүзәл затларыбызга багышланган чара узды. Район башлыгы Фаил Камаев хатын-кызларыбызны якынлашып килүче Халыкара хатын-кызлар көне белән котлады. Махсус хәрби операциядә катнашучыларның әниләренә чын геройларны тәрбияләүләре өчен рәхмәт белдерде, шулай ук бәйрәм алдыннан барлык гаиләләргә азык-төлек җыелмалары тапшырылды.