Ювелир әйберләрне кире кайтару һәм алмаштырырга мөмкинме?
Ювелир әйберләрен кире кайтару һәм алмаштыру мөмкинме?
Беренче язгы бәйрәм - 8 Март Халыкара хатын-кызлар көне якынлаша. Бүләксез нинди бәйрәм инде ул.
Ювелир әйберләре-8 Март өчен бик кирәкле һәм оригиналь бүләк.
Татарстан Республикасы Дәүләт алкоголь инспекциясенең Чаллы территориаль органының эчке базарны үстерү һәм координацияләү бүлеге белгечләренә ювелир әйберләрен кире кайтару яки алыштыру буенча кулланучылардан бик күп сораулар килә.
Ювелир әйберләрен кире кайтарып буламы?
Әгәр дә әлеге товар сатып алганнан соң ике атна дәвамында формасы, габаритлары, фасоны, төсе, күләме һәм комплектлашуы буенча туры килмәсә, тиешле сыйфатлы азык-төлек булмаган товарларны алмаштырырга хокуклы. Шулай да, әлеге закон барлык товарларга һәм товар категорияләренә дә кагылмый. Мәсәлән, РФнең 1992 елның 7 февралендәге 2300 -1 номерлы «Кулланучылар хокукларын яклау турында» гы Законы (алга таба – Закон) тиешле сыйфатлы ювелир әйберләрне кире кайтаруны һәм алмаштыруны тыйган. Кыйммәтле металллардан, асылташлардан, ярымкыйммәтле һәм синтетик ташлардан ясалган эшләнгән әйберләр, тиешле сыйфатлы асылташлар бу мәкаләдә күрсәтелгән нигезләр буенча алыштырылырга тиеш түгел (әгәр товар формасы, габаритлары, фасоны, төсе, күләме һәм комплектлашуы буенча туры килмәсә).
Кибеткә закон буенча 14 көн эчендә алыштыруны яки кире кайтаруны таләп итеп, мөрәҗәгать итәргә мөмкин.
Тиешле сыйфатлы бижутерияне чек бирелгәннән соң 2 атна эчендә биркалар, этикеткалары сакланганда, кимчелекләр һәм куллану эзләре булмаганда тапшырырга мөмкин.
Әмма шул ук Законның 18 статьясы сатып алучының тиешле сыйфатсыз товар сатып алган очракта хокукын билгели, һәм мондый очракта ювелир әйберләр киемнән, аяк киеменнән һ. б. бернәрсә белән дә аерылып тормый.
Ювелир әйбернең завод җитешсезлеге булуы аны сатучыга кайтарыр өчен җитәрлек нигез булып тора. Шул ук вакытта җитешсезлек сәбәпләрен ачыклау буенча экспертиза үткәрү ювелир кибетенә йөкләнгән. Завод җитешсезлеге расланганнан соң сатучы конфликтны хәл итү вариантларының берсен тәкъдим итәргә тиеш:
продукцияне бушлай ремонтлау (мөмкин булса);
җитешсезлеге булган кулланырга яраклы продуктның бәясен төшерү;
продукцияне сатып алучы белән килешү буенча шундый ук яки охшаш әйбергә алыштыру;
сыйфатсыз товарның бәясен тулысынча кайтару.
Товарда җитешсезлек ачыкланганда, товарның сыйфаты буенча тиешле дәгъва белән сатучыга мөрәҗәгать итәргә кирәк. Куелган таләпне сайлау (законның 18 статьясына ярашлы рәвештә акчаларны алмаштыру, кире кайтару һ.б.) сатучыга түгел, ә кулланучыга кала. Сатучы кулланучыдан сыйфатсыз товар кабул итәргә һәм кирәк булганда кулланучы катнашырга хокуклы булган товарның сыйфатын тикшерергә тиеш.