12 апрельдә Иске Җирекле авылының мәдәният йортында Татарстан Республикасының Дәүләт Советы каршында оешкан Яшьләр иҗтимагый палатасына сайлаулар узачак

12 апрельдә  Иске Җирекле авылының мәдәният йортында Татарстан Республикасының Дәүләт Советы каршында оешкан Яшьләр иҗтимагый палатасына сайлаулар узачак. «ПолитЗавод – 2014» дип аталган олы проект яшьләргә Татарстан Республикасы сәясәтендә турыдан-туры катнашырга ярдәм итәчәк. Безнең районнан республика дәүләт палатасына 5 кеше дәгъва итә.

 Гөлназ Зарипова – Иске Җирекле авылының «Дуслык» күпфункцияле үзәк директоры. Аның шигаре – «Илебезнең һәрбер кешесе ватанпәрвәрлек хисе белән яшәргә тиеш!».  

 Алмаз Адилов – Круглое Поле поселогы мәктәбенең инглиз теле укытучысы. Аның шигаре – «Илебездә яшәү өчен көрәштән читтә калмаска

Юрий Васильев – Мәләкәс урта мәктәбенең тарих укытучысы. Аның шигаре – «Без булмасак, кем?!». Яшьләр – илнең бүгенгесе.  

Венера Иванова – Яңа поселогы мәктәбенең тарих укытучысы. Аның шигаре – «Бары тик син генә үз тормышыңны яхшырта аласың!»  

 Гөлүзә Лотфуллина – Бәтке урта мәктәбенең инглиз теле укытучысы. Аның шигаре – «Дәүләт тормышында катнашу – сәяси өлгергәнлегеңне һәм анда үзең тоткан урынны күрсәтә белү. Дөрес сайлау – олы җаваплылык. Бөтен кеше якты киләчәккә өмет итә, сайлаулардан шуны көтә”