Укытучылар һәм тәрбиячеләр район башлыгы Васил Хаҗиев катнашында үткән еллык йомгаклау җыелышында булдылар.

2014 елның 25 декабре, пәнҗешәмбе
Кичә район мәгариф бүлеге белгечләре, мәктәп директорлары һәм балалар бакчалары мөдирләре Яр Чаллының Сидоровка поселогында урнашкан «Эссен Продакшн» җәмгыятендә булып, анда кондитер эшләнмәләре җитештерү эшен күреп кайттылар. Бу чара мәгариф хезмәткәрләрен сәнәгать предприятиеләренең эшчәнлеге белән таныштыру, мәгълүматны балаларга җиткереп, һөнәр сайлауда аларга юнәлеш бирү максатыннан оештырылды. Әлеге эчтәлекле һәм кызыклы экскурсиядән соң район педагоглары Түбән Суыксу авылының яңа хоккей кортын карадылар. Бозда спорт белән шөгыльләнергә теләүчеләр өчен биредә барлык шартлар тудырылган, быел ун данә яңа хоккей формалары кайтарылган. Соңыннан укытучылар һәм тәрбиячеләр район башлыгы Васил Хаҗиев катнашында үткән еллык йомгаклау җыелышында булдылар. Киләсе елга эш планнарын билгеләгәндә тәрбия мәсьәләсендә эшне тагын да көчәйтүне, әти-әниләр белән эшне активлаштыруны беренче чиратка куйдылар.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Безнең район
Рәсми кәгазьләр
Халык мөрәҗәгате
Матбугат хезмәте
Адрес: 423800,Татарстан Республикасы ,Яр Чаллы шәһәре,Муса Җәлил проспекты,46 йорт
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International