Санитар-экологик икеайлык алдыннан республиканың барлык төбәкләрендә «кайнар элемтә» эшли башлады
Татарстан Экология һәм табигый байлыклар министрлыгының барлык территориаль идарәләрендә “кайнар элемтә” телефоннары эшли башлады. Табигать саклау законнары бозылу турында түбәндәге телефоннар буенча хәбәр итәргә мөмкин:
Кама буе ТИ (Чаллы ш., Әгерҗе, Актаныш, Алабуга, Мамадыш, Менделеев, Минзәлә, Тукай районнары):
8(8552) 59-36-39
Элеккечә үк республика иҗтимагый экология кабулияте эшләп тора. Тулай таралган файдалы казылмаларны законсыз чыгару, рөхсәтсез чүплек, су объектына баруны чикләү, суга я туфракка пычраткыч матдәләр ташлану, атмосфера һавасын пычрату турында (843)267-68-67 телефонына, eco.signal@tatar.ru электрон почтасына, “Халык контроле” системасының “Экология категориясенә хәбәр итәргә мөмкин; укучы балалар өчен махсус “Мәктәп экопатруле” мобиль кушымтасы эшли. Табигать саклау законнары бозылу турында фото- я видеофиксацияле оператив белешмәләр биргән гражданнарга акча түләнә.
Республиканың табигать саклау службалары, профильле министрлыклары һәм тармаклары, предприятие һәм оешмалары, муниципаль башкарма комитетлар 1 апрельдән санитар-экологик икеайлык үткәрә башлый. Чара республиканың шәһәр һәм районнары территорияләрен чистарту һәм тиешле санитар-экологик торышка китерү максатыннан үткәрелә.
Министрлыкның матбугат хезмәте