Җиңү килде җиргә язлар булып

Бөек Җиңүнең 71 еллыгына багышланган митинглар районның һәр авыл җирлегендә тантаналы төстә үтте, ветераннарга тиешле хөрмәт күрсәтелде. Эшмәкәрләр, авыл хуҗалыгы оешмалары, фермер хуҗалыклары җитәкчеләре һәм башка иганәчеләр бәйрәмне үткәрүгә үзләреннән зур ярдәм күрсәттеләр. ТР Дәүләт Советы депутаты Фоат Комаров та бәйрәмгә әзерлек чараларыннан читтә калмады. Аның ярдәме белән сугышта катнашкан барлык ветераннарга ТР Дәүләт Советы исеменнән азык-төлек җыелмалары тапшырылды. Районга һәрдаим булышып торучы депутат бәйрәм чараларын уздыру өчен ветераннар советына да хәйрия ярдәме күрсәтте.