Ана капиталын инвалид балалар тәрбияләүче гаиләләр баланы тернәкләндерү өчен тота алачак

Россия Хөкүмәтендә, инвалид балалар тәрбияләүче гаиләләр ихтыяҗларын исәпкә алып, ана капиталын куллану мөмкинлеге бирергә тәкъдим итәләр. Бу турыда закон проекты рәсми сайтта урнаштырылган дип хәбәр итә “Татар-информ” агентлыгы. Закон проекты инвалид бала тәрбияләүче гаиләләргә ана капиталы акчасын инвалид балаларның социаль адаптациясе һәм җәмгыятькә интеграциясе өчен товарлар һәм хезмәтләр алуга сарыф итү мөмкинлеген тәкъдим итә. Андый товарлар һәм хезмәтләр исемлеген Россия Хөкүмәте билгеләячәк.