Тукай районы Түбән Суыксу мәктәбе яшь инспекторлары «Куркынычсыз тәгәрмәч»тә көчләрен сыный

2017 елның 24 мае, чәршәмбе
Хәзерге минутларда Түбән Суыксу мәктәбенең юл хәрәкәте иминлеге буенча яшь инспекторлары Яр Чаллының «Саулык» лагеренда үтүче «Куркынычсыз тәгәрмәч» республика акциясендә катнаша. Алар район этабында җиңү яулаган балалар. Малайлар һәм кызлар әлеге ярышларда юл йөрү кагыйдәләрен белүләрен, медицина ягыннан белемнәрен сынаячаклар, велосипедта фигуралы йөреп күрсәтәчәкләр.
Яр Чаллыда үтә торган ярышта Татарстан район һәм шәһәрләреннән 58 команда – 232 яшь инспектор катнаша. «Балаларның кәефләре яхшы, ярышларга әзерләр, җиңүгә өметләнәбез», – ди алар белән барган район ЮХИДИ бүлеге башлыгы Шамил Ганиев.
Конкурс ЮХИДИ һәм мәгариф министрлыгы белән берлектә һәр елны уздырыла. Балаларның юлда травмалар алуын, аларның юл йөрү кагыйдәләрен бозуын кисәтү, пропагандага тарту максатларын күз алдында тота. 
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Безнең район
Рәсми кәгазьләр
Халык мөрәҗәгате
Матбугат хезмәте
Адрес: 423800,Татарстан Республикасы ,Яр Чаллы шәһәре,Муса Җәлил проспекты,46 йорт
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International