ЯҢАЛЫКЛАР
20 сентябрьдә Иске Абдул авыл җирлегендә мәктәп укучылары белән берлектә “ Милләтләр кроссы” узды. Әлеге чарада 81 укучы һәм 20 өлкән кеше катнашты.
Биклән авыл китапханәсенә "Әллүки" балалар бакчасында тәрбияләнүче балалар экскурсиягә килделәр. Алар яшь буенча аерылган китап фонды белән, балалар почмагына урнаштырылгын төрле-төрле китаплар, журналлар таныштылар.
Тукай районы әфганчы-ветераннары делегациясе Минзәлә районы Бикбау авылында төрле кайнар нокталарда катнашып һәлак булган ветераннарга багышлап төзелгән һәйкәлне ачуда катнашты. Катнашучылар исеменнән чыгыш ясап Габдрахманов Абузәр Тагирович минзәләлеләрне "Гиндукуш музеена чакырды.
--
Резеда Якупова
Шимбә көнне Тукай районы хәрби хәрәкәтләр ветераннарының иҗтимагый оешмасы җитәкчесе Якупов Айбулат Мөнирович һәм "Гиндукуш" иҗтимагый-патриотик музее директоры Гарипова Резеда Рависовна Норлат районы Иске Әмзә авылында Әфганстанда һәлак булган Һадиев Рәискә багышлап төзелгән һәйкәлне ачу тантанасында катнаштылар. Бу чарада шулай ук Чистай, Нижнекамск шәһәрләре делегацияләре дә бар иде. Катнашучылар балаларга патриотик тәрбия бирүдә бу эшнең бик кирәкле адым икәнлеген билгеләп үттеләр.
--
Резеда Якупова