ЯҢАЛЫКЛАР

Катлаулы сынау – бердәм дәүләт имтиханнарын район  укучылары уңышлы тапшырды. Мәҗбүри фәннәрдән имтихан нәтиҗәләре республика буенча уртача күрсәткечләрдән югарырак. Математикадан уртача район күрсәткече 51, 8 балл(республика буенча 48,4), рус теленнән 65,8(65,4 балл) булган. Район башлыгы Васил Хаҗиев  атналык киңәшмәдә район укытучыларына, педагогик коллективларга балаларны имтиханнарга әзерләүдәге уңышлары  өчен рәхмәтен белдерде.  

 21июнь көнне Тл.Тамак җирлеге Казаклар авылында шау -гөр килеп Сабантуе үтте.  Сабан туйның абсолют батыры булып Җиһаншин Артур калды. 

21июнь көнне  Авлаш авыл җирлегендә Сабантуй үткәрелде.  Иштирәк авыл җирлеге башлыгы килгән кунакларны, авыл халкын бәйрәм белән котлады. Авыл кешеләре ,кунаклар татар  халкының   милли уеннарында , оештырылган төрле кызыклы ярышларда һәм аттракционнарда бик теләп катнаштылар.  Бәйрәм  җыр-биюләр белән үрелеп  барды. Рәхәтләнеп күңел  ачтылар.Сабантуй  бик күңелле  үтте.

2014 елның 21 июнендә Таш-Кичү авылында  “Сабан Туе” бәйрәме үтте.     Бәйрәмгә 500-гә якын авылдашлар һәм кунаклар җыелды. Милли уеннар бик күңелле үттеләр. Җыелган кешеләр, бәйрәмгә чакырылган артистлар белән бергәләп җырладылар,биеделәр һәм уйнадылар. Бәйрәмне Таш-Кичү авылы клуб мөдире Гимаев Айрат һәм китапханә мөдире Мухаметнабиева Светлана оештырдылар.