8 августка    район  буенча 13189 гектар мәйданнан37042 тонна ашлык суктырып алдылар. Һәр гектардан чыккан ашлыкның уртача уңышы 28,4 центнер тәшкил итә.

«Чаллы яшелчәсе»ндә берьюлы игеннәрне һәм яшелчә уңышы җыйсалар, фермерлар яшь бәрәңге ала, көзге чәчүгә җирләрне әзерли

2015 елның алты аенда безнең районда авыл хуҗалыгы продукциясен җитештерү күләме узган елның шул чоры белән чагыштырганда 20 процентка үскән. Предприятиеләр былтыр ярты елда 8 млрд 106 млн 462 мең сумлык товар җитештерсәләр, быел ул күрсәткеч 9 млрд 768 млн 562 мең сум булган. «Басуда заманча техника йөрмәсә, тармакта заманча технологияләр кулланылмаса, бүген авыл хуҗалыгында берничек тә үсешкә ирешеп булмый. Ә бу бюджет ярдәменнән, республика президент программаларыннан башка мөмкин түгел», – ди район авыл хуҗалыгы һәм азык-төлек идарәсе башлыгы Хәйдәр Сабитов.

6 август көнне Борды авыл китапханәсе күчмә китапханә белән кече Җәйләү авылындагы КФХ Касакин хуҗалыгы хезмәтчәннәре янында булды.