ЯҢАЛЫКЛАР
2022 елның 5 декабрендә,инвалидлар декадасы кысаларында Кенәз авылы мәдәният йортында «Җаныбыз нуры»VI инвалидлар иҗаты фестивале үткәрелде. Татарстан Республикасы буенча Пенсия фонды бүлеге идарәчесе Эдуард Яфас улы Вафин, Тукай муниципаль районы Башкарма комитеты җитәкчесенең социаль мәсьәләләр буенча урынбасары Илфак Шамил улы Бариев, Тукай муниципаль районы ветераннар һәм инвалидлар иҗтимагый оешмасы рәисе Фәйрүзә Фаяз кызы Вазеева, Тукай муниципаль районы район Советы депутаты Айнур Айрат улы, авыл җирлеге башлыгы Фәндүс Мөхәммәтфатих улы Камалов, авыл җирлегенең инвалидлар советы рәисе Николай Александрович Самойлов чарада катнашучы барлык мөмкинлекләре чикле кешеләрне чын күңелдән котладылар, барысына да ныклы сәламәтлек һәм иминлек теләделәр.
Тукай районы фермер хуҗалыгы башлыгы Попов Георгий Геннадьевичка терлекчелек продукциясен җитештерүдә югары күрсәткечләргә ирешкәне өчен «Алтын көз – 2022»Россия агросәнәгать күргәзмәсенең Дипломы һәм алтын медален тапшырдылар .
2022 елның 09 декабрендә Инвалидлар Декадасы кысаларында Татарстан Республикасында Кеше хокуклары буенча вәкаләтле вәкил инвалидлар һәм мөмкинлекләре чикләнгән кешеләр хокукларын үтәү мәсьәләләре буенча " кайнар линия» үткәрә.
Тукай районының Комсомолец поселогында иганәчеләр һәм хәйриячеләр тарафыннан бүләкләр тапшырылды. Авыл советы һәм мәдәният йорты хезмәткәрләре инвалидлар белән аралашып, аларның сорауларына җавап бирделәр.
30 ноябрьдә Тукай муниципаль районы Башкарма комитеты җитәкчесе Айрат Хәбибуллин район үзәк хастаханәсендә булды һәм яңа компьютер томографын урнаштыру өчен ремонт-әзерлек эшләренең барышы белән танышты.
Тукай районында мөмкинлекләре чикле затлар өчен IX Спартакиада узачак. Ярышлар 6 декабрьдә Круглое Поле бистәсенең «Акчарлак» ябык йөзү бассейнында, 7 декабрьдә Түбән Суык – суы авылының «Алга» спорт-сәламәтләндерү комплексында узачак.
Иске Абдул авыл җирлегендә иҗат итүче «Асылъяр» фольклор ансамбле һәркайда: ел саен районыбызда уздырыла торган «Авыл көннәре»ндә, республика күләмендә үткәрелүче «Балкыш» һәм «Халык моңы – Илһам», «Иске Казан – түгәрәк уены» фестивальләрендә катнаша һәм призлы урыннар яулый. Даны еракларга таралган коллектив район Сабан туеннан тыш, ак кала – Яр Чаллы шәһәр Сабан туенда да чыгыш ясый.
РФсенең «Авыл территорияләрен комплекслы үстерү» дип исемләнүче шундый дәүләт программасы республикада 2020 елдан бирле эшли. Шушы дәвер эчендә Тукай районында программа буенча җәмгысы 10 йорт төзелде. Шуларның 5се – 4 йорт Яңа поселогында, 1се – Мерәс авылында бу атнаның чәршәмбесендә хуҗаларын тапты. Район башкарма комитеты җитәкчесе Айрат Хәбибуллин, шушы торак пунктларында яшәүче һәм «Гигант», «Сәйдәш» исемендәге хуҗалыкларда эшләүче кешеләргә йорт ачкычларын тапшырды.
2022 елның 3 декабрендә Шилнәбаш мәктәбе укучылары сыйныф җитәкчеләре белән бергә Татарстан бистәсе мәдәният йортында урнашкан «Патриот» сугышчан дан музеенда экскурсиядә булдылар ,чара Билгесез солдат көне кысаларында узды
2022 елның 2 декабрендә Кенәз мәдәният йорты хезмәткәрләре, "Волонтер" клуб берләшмәсендә катнашучылар белән бергә, Татарстан бистәсе үзәгендә «коррупция-юк!» дигән акция уздырды.