22 декабрьдә " Энергетик» мәдәният йорты каршындагы мәйданда авыл хуҗалыгы ярминкәсе оештырылды. Биредә Тукай районы үз продукциясен ассортиментта тәкъдим итте: сөт продуктлары, ит, йомырка, яшелчә,көндәлек куллану товарлары. Чарада район башлыгы Фаил Камаев һәм Чаллы шәһәре мэры Наил Мәһдиев катнашты. Район үзешчән сәнгать коллективлары кунакларны үзләренең чыгышлары белән сөендерде.