Социаль хезмәт алучылар белән “Мин һәм минем әйләнә-тирәм” исемле чара уздырылды
2019 елның 4 нче февралендә Тукай муниципаль районы «Шәфкать» халыкка социаль хезмәт күрсәтү үзәге гаилә һәм балаларга социаль ярдәм күрсәтү бүлекчәсендә социаль педагог Римма Шакирова «Мин һәм минем әйләнә-тирәм» дигән темага чара уздырды. Чарага социаль хезмәт алучылар чакырылган иде.
Чараның төп бурычлары-үз карашыңны чагылдырырга һәм башкалар фикерләрен тыңлый белергә өйрәтү; иң мөһиме, нәтиҗәләр ясарга, ситуацияне анализларга өйрәтү. Катнашучыларга үз сәләтләрен күрергә, тоярга һәм башка кешеләрне дөрес кабул итәргә ярдәм итү.
Әлеге чарада төрле категория гаиләләрдән 7 социаль хезмәт алучы катнашты.
Очрашу барышында уңай кәеф һәм хис-тойгылар турында әңгәмә уздырылды, «Без бергә», «Әйдәгез хыялланабыз" күнегүләре үткәрелде, “Кеше машиналар”, “Ике рәссам картинасы” уеннары уйналды, притча сөйләнде һәм презентация тәкъдим ителде.