Халыкара хатын-кызлар көненә багышланган зур бәйрәм концерты булып узды
6 март көнне Шилнәбаш мәдәният йортында 8 Март - Халыкара хатын-кызлар көненә багышланган зур бәйрәм концерты булып узды.Концертның иң кечкенә катнашучылары - "Тополек" балалар бакчасында тәрбияләнүчеләр һәм урта мәктәпнең башлангыч сыйныф укучылары үзләренең әниләрен һәм әбиләрен бәйрәм белән котладылар. Чарада шулай ук, Сергей Заикин барлык хатын-кызларга үзе язган матур шигырьләрен укыды, тамашачылар "Россияочка" вокаль ансамблендә катнашучы җырларны бик җылы кабул иттеләр, яшь биючеләр-Райнур һәм Булат Низамовларны халык көчле алкышларга кумде, Константин Титов Гөлнара Садыйкова, Анжелика Пономарева, Мария Маратаева, Оксана Ступникова күңел җырларын бүләк иттеләр. Барлык хатын - кызларны яз бәйрәме белән авыл җирлеге башлыгы Ольга Анатольевна Гончарова котлады.