Тукай районының 4 гаиләсенә тантаналы рәвештә ана капиталы сертификаты тапшырылды
13 март көнне «Энергетик» мәдәният сараенда Тукай районының 4 гаиләсенә тантаналы рәвештә ана капиталы сертификаты тапшырылды. Әти-әниләрне Яр Чаллы шәһәре Гражданлык хәлләрен теркәү идарәсе җитәкчесе Равиля Зарипова һәм Пенсия фонды идарәсе җитәкчесе урынбасары Татьяна Мулькаманова котладылар.
Программаны тормышка ашыра башлаганнан бирле (2007 елның 1 гыйнвары) Тукай районында ана капиталына 2.738 сертификат бирелгән, 2.357 гаилә 1,1 млрд.сумнан артык акчага файдаланган. 2018 елдан балалы гаиләләргә дәүләт ярдәменең берьюлы берничә яңа чарасы эшли башлады:
-ана капиталы программасына 2021 елның 31 декабренә кадәр керү мөмкинлеген озайту,
-ана капиталын мәктәпкәчә белем алуга юнәлдергәндә өч еллык мораторий төшерү,
-2018-2020 елларда ана капиталы акчаларыннан икенче бала өчен айлык түләү
Ана капиталы акчаларыннан ай саен түләнә торган акчаны алу хокукыннан түбән керемле, икенче бала 2018 елның 1 гыйнварыннан башлап туган яки уллыкка алынган һәм программаның төп юнәлешләренә бөтен капитал суммасын кулланмаган, гаиләләр файдалана ала.