Татарстанда "Игътибар-балалар!" дигән оператив-профилактик чара старт ала
Балаларның юл-транспорт имгәнүләрен кисәтү һәм балаларның һәм яшүсмерләрнең юлда үз-үзләрен тотышы күнекмәләрен торгызу максатларында 2020 елның 24 августыннан 6 сентябренә кадәр Татарстан Республикасында " Игътибар-балалар!»дигән оператив-профилактик чара старт ала .
2020 елның 7 ае эчендә республика юлларында 16 яшькә кадәрге балалар катнашында 238 юл-транспорт һәлакәте теркәлгән, аларда 5 бала һәлак булган һәм 254е имгәнгән.
Пассажир- балалар катнашында юл травматизмы мәсьәләсе аеруча кискен тора.
Статистик мәгълүматларны анализлау күрсәткәнчә, балалар белән юл-транспорт һәлакәтләре саны август-сентябрь айларында арта, яшүсмерләр җәйге ялдан соң юлда куркынычсызлык белән бәйле күнекмәләрне югалта һәм аларга транспорт мохитенә өстәмә адаптация таләп ителә.
"Игътибар-балалар!» Татарстан Республикасы буенча Эчке эшләр министрлыгының Дәүләт автоинспекциясе «юл хәрәкәте иминлеге» дәүләт бюджет учреждениесе хезмәткәрләре белән берлектә профилактик рейдлар, акцияләр, әңгәмәләр оештырачак.